[X] Close
JUST IN
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை

பீர் பாட்டிலுடன் படையெடுக்கும் பெண்கள்: ட்ரெண்டாகும் #GirlsWhoDrinkBeer

girlswhodrinkbeer-trending-in-social-media

பெண்கள் பீர் குடிக்கத் தொடங்கியிருப்பது பொறுத்துக் கொள்ள முடியாத அளவிற்கு எல்லை கடந்துள்ளதாக கோவா முதலமைச்சர் தெரிவித்திருந்த நிலையில், தற்போது ட்விட்டரில், பல பெண்களும் பீர் குடிப்பது போன்ற புகைப்படத்தை பதிவிட்டு வருகின்றனர்.

கோவா தலைநகர் பனாஜியில் நடைபெற்ற நிகழ்ச்சியில் பேசிய அம்மாநில முதலமைச்சர் மனோகர் பாரிக்கர், பெண்கள் பீர் குடிக்கத் தொடங்கியுள்ளது கவலை அளிப்பதாக தெரிவித்திருந்தார். மேலும் பேசிய அவர், “பெண்களும் பீர் குடிக்க தொடங்கியுள்ளதை கண்டு தற்போது நான் அச்சப்பட தொடங்கியுள்ளேன். பொறுத்துக் கொள்ள முடியாத அளவிற்கு எல்லை கடந்துள்ளது. தங்களது  பிள்ளைகள் போதைப் பொருள் எடுத்துக் கொள்கிறார்களா என்பதை பெற்றோர்கள் கவனிக்க வேண்டும். எல்லா பெண்களை பற்றியும் நான் சொல்லவில்லை” என கூறியிருந்தார்.

இந்நிலையில் ட்விட்டரில் பல பெண்கள் தாங்கள் பீர் குடிப்பது போன்ற புகைப்படத்தை பதிவிட்டு வருகின்றனர். அத்தோடு மட்டுமில்லாமல் சில பெண்களோ தங்கள் தந்தையுடன் இருந்து பீர் குடிக்கும் புகைப்படத்தையும் வெளியிட்டுள்ளனர். இதனால் #GirlsWhoDrinkBeer என்கிற ஹேஷ்டேக் ட்விட்டரில் ட்ரெண்டாகி வருகிறது.

ஏன் பீர் குடிப்பதை நிறுத்த வேண்டும் என கேள்வி எழுப்பியுள்ள பெண் ஒருவர், சீயர்ஸ் லேடிஸ் எனக் கூறியவாறு தனது புகைப்படத்தை பதிவிட்டுள்ளார். மற்றொரு பெண்ணோ, இந்த பீர் மட்டும் இல்லையென்றால் வாழ்க்கை தான் எவ்வளவு சலித்துபோனதாக அமைந்திருக்கும் என கூறியுள்ளார்.

மற்றொரு பெண்ணோ, ஒரு க்ளாஸ் பீருக்காக நாங்கள் பாலின மாற்று அறுவை சிகிச்சையா மேற்கொள்ள முடியும்..? என கேள்வி எழுப்பியிருக்கிறார். இதுபோன்று பலரும் தங்களது கருத்தை பதிவிட்டு வருகின்றனர்.

 

அண்மையில் பிரதமர் மோடிக்கு எதிரான பக்கோடா போராட்டம் சமூக வலைத்தளங்ளில் ட்ரெண்டான நிலையில் தற்போது பாஜகவை சேர்ந்த மனோகர் பாரிக்கருக்கு எதிரான  #GirlsWhoDrinkBeer என்கிற ஹேஷ்டேக் ட்ரெண்டாகி வருகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close