[X] Close
JUST IN
  • BREAKING-NEWS நீட் தேர்வு ஆள்மாறாட்ட வழக்கில் சென்னை மருத்துவ மாணவரின் தந்தை சரவணனின் ஜாமீன் மனுவை தள்ளுபடி செய்தது உயர்நீதிமன்ற கிளை
  • BREAKING-NEWS மேயர் பதவிக்கான தேர்தலை மறைமுகமாக நடத்துவதற்கு அவசரச் சட்டம் கொண்டுவர தமிழக அமைச்சரவைக் கூட்டத்தில் முடிவு என தகவல்
  • BREAKING-NEWS உள்ளாட்சிகளில் உயர்த்தப்பட்ட சொத்துவரியை மறுபரிசீலனை செய்ய நிதித்துறை முதன்மை செயலாளர் தலைமையில் குழு அமைக்கப்பட்டுள்ளது - அமைச்சர் எஸ்.பி.வேலுமணி
  • BREAKING-NEWS சர்க்கரை ரேஷன் அட்டைகளை தகுதியின் அடிப்படையில் அரிசி ரேஷன் அட்டைகளாக மாற்றிக்கொள்ளலாம் - தமிழக அரசு
  • BREAKING-NEWS தூத்துக்குடி மக்களவை தேர்தல் வழக்கு: கனிமொழி தொடர்ந்த மனுவை தள்ளுபடி செய்தது சென்னை உயர்நீதிமன்றம்
  • BREAKING-NEWS ஒடிசாவில் நடிகர் கமல்ஹாசனுக்கு கவுரவ டாக்டர் பட்டம் வழங்கினார் முதல்வர் நவீன் பட்நாயக்
  • BREAKING-NEWS சென்னை ஐஐடி மாணவி பாத்திமா தற்கொலை தொடர்பாக விசாரணை நடத்த மத்திய குற்றப்பிரிவு காவல்துறையினர் கேரளா விரைகின்றனர்

அகதிகளின் தலைநகரமாக இந்தியா மாறுவதா?: மத்திய அரசு கேள்வி

dont-want-india-to-become-the-refugee-capital-govt-tells-supreme-court

அகதிகளின் தலைநகரமாக இந்தியா மாறுவதை விரும்பவில்லை என்று உச்சநீதிமன்றத்தில் மத்திய அரசு தெரிவித்துள்ளது.

மியான்மரில் நாட்டில் ஏற்பட்டுள்ள அசாதரண சூழல் காரணமாக ரோஹிங்கிய முஸ்லிம்கள் அங்கிருந்து அண்டைகளுக்கு அகதிகளாக வெளியேறி வருகின்றனர். இதில், தங்களது பூர்வீகமாக கருதப்படும் வங்கதேசம் நாட்டில் அவர்கள் அதிகம் தஞ்சம் அடைந்தனர். மேலும், இந்தியாவிலும் ரோஹிங்கிய முஸ்லீம்கள் அகதிகளாக குடியேறினர். சுமார் 40 ஆயிரம் ரோஹிங்கிய முஸ்லீம்கள் இந்தியாவில் உள்ளதாக கூறப்படுகிறது.

இந்தியாவில் அகதிகளாக குடியேறியுள்ள ரோஹிங்கியாக்கள் மீண்டும் வங்கதேசத்துக்கோ, மியான்மருக்கோ திருப்பி அனுப்ப வேண்டும் என்று உள்துறை இணை அமைச்சர் கிரண் ரிஜிஜு கூறினார். இதற்கு ஐ.நா. மனித உரிமைகளுக்கான உயர் ஆணையர் சயீத் ரா அத் அல் ஹூசைன் கடும் கண்டனம் தெரிவித்தார். ஆனால், ரோஹிங்கிய முஸ்லீம்களை திருப்பி அனுப்புவது தொடர்பான அதிகாரபூர்வ முடிவை இன்னும் இந்திய அரசு எடுக்கவில்லை.

ரோஹிங்கியா முஸ்லீம்கள் விவகாரத்தில் உச்சநீதிமன்றத்தில் பொதுநல மனுக்கள் தாக்கல் செய்யப்பட்டு விசாரணை நடைபெற்று வருகிறது. மனுதாரர்கள் சார்பில் பிரபல வழக்கறிஞர் பிரசாந்த் பூஷன் வாதாடி வருகிறார். ரோஹிங்கியா விவகாரம் தொடர்பாக இன்று விசாரணை நடைபெற்றது. 

விசாரணையின் போது, தூதரக ரீதியிலான விவகாரமாக இதனை எதிர்கொள்வது சரியாக இருக்கும் என்று மத்திய அரசு தெரிவித்தது. மேலும், அகதிகளின் தலைநகரமாக இந்தியா மாறுவதை விரும்பவில்லை என்று கூறியது. இதனையடுத்து மார்ச் 7ம் தேதிக்கு விசாரணை ஒத்தி வைக்கப்பட்டது.

Advertisement:
இது தொடர்பான செய்திகள் :
Advertisement:
Advertisement:
[X] Close