[X] Close
JUST IN
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்
  • BREAKING-NEWS பத்திரிகையாளர் கொலை வழக்கில் சாமியார் குர்மீத் ராம் ரஹீமிற்கு ஆயுள் தண்டனை விதிப்பு - பஞ்ச்குலா சிபிஐ நீதிமன்றம் தீர்ப்பு
  • BREAKING-NEWS திருச்சி: மணப்பாறை அருகே ஆவாரங்காடு ஜல்லிக்கட்டில் மாடுபிடி வீரர்கள், பார்வையாளர்கள் என 71பேர் காயம்
  • BREAKING-NEWS சென்னை வண்டலூர் பூங்காவில் காணும் பொங்கலை முன்னிட்டு 3 மணி நிலவரப்படி 40,000பேர் வருகை தந்துள்ளனர் - பூங்கா நிர்வாகம்
  • BREAKING-NEWS குஜராத்: அகமதாபாத்தில் வல்லபாய் படேல் மருத்துவ அறிவியல் மற்றும் ஆராய்ச்சி நிறுவனம் திறப்பு

மண்டை ஓடுகளோடு விவசாயிகள் போராடும்போது எம்.எல்.ஏக்களுக்கு சம்பள உயர்வா?

varun-gandhi-letter-to-speaker

மண்டை ஓடுகளோடு விவசாயிகள் போராடிக்கொண்டிருக்கும்போது தமிழக அரசு எம்எல்ஏக்களின் சம்பளத்தை உயர்த்தியிருக்கிறது என பாஜக எம்.பி வருண் காந்தி மக்களவை சபாநாயகர் சுமித்ரா மகாஜனுக்கு எழுதியுள்ள கடிதத்தில் குறிப்பிட்டுள்ளார்.

இதுதொடர்பாக அவர் எழுதியுள்ள கடிதத்தில், “ கடந்த 2014-ம் ஆண்டு மக்களவை தேர்தலில் வெற்றிபெற்ற நாடாளுமன்ற உறுப்பினர்களில் 449 பேர் ஒரு கோடி ரூபாய்க்கும் அதிகமான சொத்து உள்ளவர்கள். இவர்களில் 24 சதவீதம் பேர் 10 கோடி ரூபாய்க்கும் மேல் சொத்து கொண்டவர்கள்.  தற்போது நாடாளுமன்ற உறுப்பினர்களுக்கு அடிப்படை மாத சம்பளம் ரூ.50 ஆயிரம் வழங்கப்படுகிறது. அத்துடன் அலவன்ஸ் ரூ.45 ஆயிரம், சொந்த அலுவலகச் செலவுக்கு ரூ.45 ஆயிரம் என்ற மொத்தம் எம்.பி.க்களுக்கு ரூ.2.7 லட்சம் செலவிடப்படுகிறது. கடந்த 2016ம் ஆண்டில் மட்டும் 543 எம்.பிகளுக்காக மட்டும் 176 கோடி அரசு செலவு செய்துள்ளது.

மழை பாதிப்பு, பயிர்க் கடன் உள்ளிட்ட பல்வேறு காரணங்களால் டெல்லியில் உள்ள ஜந்தர் மந்தர் மைதானத்தில் தமிழக விவசாயிகள் தங்களது கைகளில் மண்டை ஓடுகள் வைத்து கடுமையான போராட்டத்தில் ஈடுபட்டனர். ஆனால் தமிழக அரசு எம்எல்ஏக்கள் ஊதியத்தை இருமடங்காக உயர்த்தியுள்ளது. இந்த உயர்வு கடந்த 2017ம் ஆண்டு ஜூலை மாதம் முதல் அமலுக்கு வருகிறது. கடந்த 20 ஆண்டுகளில் மட்டும், எம்பிக்கள் ஊதியம் மட்டும் 400 சதவீதம் வரை உயர்வு கண்டிருக்கிறது. நல்ல லாபத்தில் இயங்கும் தனியார் நிறுவனங்களில் கூட இந்த ஊதிய உயர்வு சாத்தியமில்லை. எனவே பணக்கார நாடாளுமன்ற உறுப்பினர்கள் சம்பளம் இல்லாமல் பணியாற்ற வேண்டும் ” என வருண்காந்தி தனது கடிதத்தில் வலியுறுத்தியுள்ளார்.

Advertisement:
Advertisement:
Advertisement:
[X] Close