[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

லாலு மீதான கால்நடைத் தீவன ஊழல் வழக்கு கடந்துவந்த பாதை..!

fodder-scam-history

ராஷ்டிரிய ஜனதா தளக் கட்சியின் தலைவர் லாலு பிரசாத் யாதவிற்கு அரசியலில் பெரும் பின்னடவை ஏற்படுத்தியுள்ள கால்நடைத் தீவன ஊழல் வழக்கு கடந்து வந்த பாதை...

1990 முதல் 1995 வரையிலான காலத்தில் பீகாரில் லாலு பிரசாத் முதலமைச்சராக இருந்த போது கால்நடைக்கு தீவனம் வாங்குவதில் முறைகேடு நடைபெற்றதாக புகார் எழுந்தது. 1996-ம் ஆண்டு ஜனவரியில் கால்நடைத்துறை துணை ஆணையர் அமித் கார்ரே நடத்திய சோதனையிலேயே இந்த முறைகேடு தெரியவந்தது. இதையடுத்து நீதிமன்ற உத்தரவுபடி 1996-ம் ஆண்டு மார்ச் 27-ம் தேதி சிபிஐ வழக்குப்பதிவு செய்து விசாரணையை தொடங்கியது. இந்த ஊழல் தொடர்பாக மொத்தம் 63 வழக்குகளை பதிவு செய்து சிபிஐ விசாரணை நடத்தியது.

அதில் சாய்பாசா, தியோஹர் மாவட்டங்களின் அரசுக் கருவூலத்தில் முறைகேடு செய்தது உள்ளிட்ட 5 வழக்குகள் லாலு பிரசாத் மீது மட்டும் பதியப்பட்டன. இதில் சாய்பாசா மாவட்ட கருவூலத்தில் இருந்து 37 கோடியே 70 லட்சம் ரூபாய் மோசடி செய்த வழக்கில், ராஞ்சி சிபிஐ நீதிமன்றம் 2013-ம் ஆண்டு லாலுவை குற்றவாளி என அறிவித்தது. 5 ஆண்டு சிறை தண்டனையும், 25 லட்சம் ரூபாய் அபராதமும் விதித்தது. இதனால், மக்களவை உறுப்பினர் பதவியை அவர் இழக்க நேர்ந்தது. தேர்தலில் போட்டியிட முடியாத நிலையும் ஏற்பட்டது.

இதைத்தொடர்ந்து மற்ற 4 வழக்குகளின் விசாரணை தொடர்ந்துகொண்டே இருந்தன. அதில், 1991 முதல் 1994 வரை தியோஹர் மாவட்ட அரசு கருவூலத்தில் இருந்து 89 லட்சம் ரூபாய் மோசடி செய்ததாக தொடரப்பட்ட வழக்கு விசாரணையில் ராஞ்சி சிபிஐ நீதிமன்றம் இன்று தீர்ப்பளிக்கவுள்ளது.

வீடியோ

Advertisement:
Advertisement:
Advertisement:
[X] Close