[X] Close
JUST IN
  • BREAKING-NEWS கர்நாடகாவின் கிருஷ்ணராஜ சாகர் அணையில் விநாடிக்கு 60 ஆயிரம் கன அடி உபரி நீர் திறப்பு
  • BREAKING-NEWS சத்தீஸ்கர்: பர்தாபூரில் நக்சலைட்டுகள் நடத்திய தாக்குதலில் 2 பி.எஸ்.எப் வீரர்கள் உயிரிழப்பு
  • BREAKING-NEWS நியூட்ரினோ திட்டத்தால் சுற்றுச்சூழலுக்கு பாதிப்பு ஏற்படாது- திட்ட இயக்குநர் விவேக் தத்தார்
  • BREAKING-NEWS நெல்லை: குற்றாலம் பிரதான அருவியில் வெள்ளப்பெருக்கால் சுற்றுலா பயணிகள் குளிக்கத்தடை
  • BREAKING-NEWS காங்கிரஸ் கட்சி மூன்றாவது கூட்டணிக்கு முயற்சிப்பதாக வதந்தி பரப்பப்படுகின்றது- புதுச்சேரி முதலமைச்சர் நாராயணசாமி
  • BREAKING-NEWS ஆதார் திட்டத்தினால் இந்தியாவிற்கு ரூ.90,000 கோடி மிச்சம்- இந்திய தனித்துவ அடையாள ஆணையத்தின் தலைவர் சத்யநாராயணா
  • BREAKING-NEWS தமிழகத்தில் திராவிடக் கட்சிகளை யாராலும் வீழ்த்த முடியாது - தம்பிதுரை எம்.பி

மாறன் சகோதரர்களுக்கு விலக்களிக்க சிபிஐ கடும் எதிர்ப்பு

illegal-telephone-exchange-case-cbi-object-to-give-exemption-to-maran-brothers

பிஎஸ்என்எல் தொலைபேசி இணைப்பு முறைகேடு வழக்கில், மாறன் சகோதரர்கள் விசாரணைக்கு ஆஜராவதிலிருந்து விலக்களிக்கக் கூடாது என சிபிஐ வலியுறுத்தியுள்ளது.

இது குறித்த வழக்கு விசாரணையின் போது, மாறன் சகோதரர்கள் ஆஜராகவில்லை. வழக்கிலிருந்து விடுவிக்கக் கோரும் மனுவுக்கு சிபிஐ கடும் எதிர்ப்பு தெரிவித்த நிலையில், அதன் மீது வாதம் முன்வைக்க வேண்டியிருப்பதால், வழக்கு விசாரணையை ஒத்திவைக்க கலாநிதி, தயாநிதி சகோதரர்கள் தரப்பில் கோரிக்கை வைக்கப்பட்டது. அதனை ஏற்றுக்கொண்ட நீதிபதி, வழக்கு விசாரணையை டிசம்பர் 11ஆம் தேதிக்கு ஒத்திவைத்தார். 

இதற்கிடையே, வழக்கு விசாரணைக்கு நேரில் ஆஜராவதிலிருந்து நிரந்தர விலக்கு கோரி மாறன் சகோதரர்கள் தரப்பில் தாக்கல் செய்யப்பட்ட மனுவுக்கு, சிபிஐ தரப்பில் எதிர்ப்பு தெரிவிக்கப்பட்டது. இது குறித்து ஆவணங்கள் தாக்கல் செய்ய வேண்டியிருப்பதாக மாறன் சகோதரர்கள் தரப்பில் கூறப்பட்டதால், விசாரணையை நீதிபதி தேதி குறிப்பிடாமல் ஒத்திவைத்தார். வழக்கிலிருந்து விடுவிக்கக் கோரும் மனு, நேரில் ஆஜராவதிலிருந்து விலக்கு கோரும் மனு ஆகிய இரு மனுக்கள் மீதும் உத்தரவு பிறப்பிக்கப்பட்ட பின்னரே, சிபிஐ வழக்கு மீதான குற்றச்சாட்டு பதிவு செய்வது தொடங்கும் என நீதிமன்றம் தெரிவித்துள்ளது. 

முன்னதாக, தொலைத்தொடர்புத் துறை அமைச்சராக தயாநிதி மாறன் இருந்தபோது, தனது அதிகாரத்தை தவறாக பயன்படுத்தி, சகோதரர் கலாநிதி மாறனின் சன் தொலைக்கட்சிக்கு சென்னை பி.எஸ்.என்.எல்லின் அதி விரைவு தொலைபேசி இணைப்புகளை, முறைகேடாக வழங்கியதாக குற்றச்சாட்டு எழுந்தது. இதுதொடர்பாக உச்சநீதிமன்றத்தில் தொடரப்பட்ட வழக்கில் சிபிஐ விசாரணைக்கு உத்தரவிடப்பட்டது.

Advertisement:
Advertisement:
Advertisement:
[X] Close