[X] Close
JUST IN
  • BREAKING-NEWS டென்மார்க் ஓபன் பேட்மிண்டன் தொடரின் இறுதிப்போட்டிக்கு முன்னேறினார் இந்தியாவின் சாய்னா நேவால்
  • BREAKING-NEWS நீர் மேலாண்மை குறித்து தமிழக அரசு எந்த சிந்தனையும் இல்லாமல் இருப்பது பேராபத்தை ஏற்படுத்தும்- டிடிவி தினகரன்
  • BREAKING-NEWS முதலமைச்சரை அவதூறாக பேசியதாக திண்டுக்கல் லியோனி மீது வழக்கு
  • BREAKING-NEWS குண்டர் சட்ட முறைகளை புதுவை அரசு கடைபிடிக்கவில்லை: உயர்நீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ.85.22 காசுகளாகவும், டீசல் லிட்டருக்கு ரூ.79.69 காசுகளாகவும் விலை நிர்ணயம்
  • BREAKING-NEWS கேரளா: பம்பை, நிலக்கல், சன்னிதானம், இலவுங்கல் பகுதிகளில் மேலும் 3 நாட்களுக்கு 144 தடை உத்தரவு நீட்டிப்பு - பத்தினம்திட்டா காவல்துறை கோரிக்கையை ஏற்று ஆட்சியர் நூஹ் உத்தரவு
  • BREAKING-NEWS டெல்லியில் தசரா விழா கோலாகலம்... குடியரசுத்தலைவர் ராம்நாத் கோவிந்த், பிரதமர் மோடி பங்கேற்பு...

கருத்து சுதந்திரம் என்பது புனிதமானது: கெஜ்ரிவால் ஆவணப்பட வழக்கில் உச்சநீதிமன்றம் கருத்து

freedom-of-speech-is-sacrosanct-supreme-court-scraps-plea-to-stay-release-of-kejriwal-documentary

டெல்லி முதலமைச்சர் அர்விந்த் கெஜ்ரிவாலின் வாழ்க்கையை மையமாக கொண்டு தயாரிக்கப்பட்டுள்ள ஆவணப்படத்தை வெளியிட தடைவிதிக்க முடியாது என கூறியுள்ள உச்சநீதிமன்றம், கருத்து சுதந்திரம் என்பது புனிதமானது என கருத்து தெரிவித்துள்ளது.

உச்சநீதிமன்ற தலைமை நீதிபதி தீபக் மிஸ்ரா தலைமையிலான அமர்வு முன் நச்சிகேட்டா வால்ஹேகர் என்பவர் தொடர்ந்த வழக்கு விசாரணைக்கு வந்தபோது, திரைப்படம், நாடகம், நாவல் போன்றவை கலைப் படைப்புகள் என்றும் நீதிமன்றங்கள் கலைச் சுதந்திரத்தை பறிக்கக் கூடாது எனவும் தெரிவித்தது. ஒரு திரைப்படம் முழுவதும் உண்மையின் அடிப்படையிலேயே இருக்கவேண்டும் என்பது அவசியமில்லை எனவும் பார்ப்பவரின் உள் மன எண்ணத்தை தூண்டுவதாக இருக்கலாம் என நீதிபதிகள் கூறினார். ஏதேனும் கட்டுப்பாடுகள் விதிக்கப்படவேண்டும் என்றால் அது சட்டத்தில் இடம்பெற்றுள்ள அம்சங்களுக்காகத்தான் இருக்கவேண்டும் என்றும் நீதிமன்றம் கூறியுள்ளது. திரைப்படங்களுக்கு தடைவிதிப்பது குறித்து நீதிமன்றங்கள் அவசரம் காட்டக்கூடாது என்றும் நீதிபதிகள் தெரிவித்தனர்.

அர்விந்த் கெஜ்ரிவாலின் வாழ்க்கை வரலாற்றை மையமாகக் கொண்டு உருவாக்கப்பட்டுள்ள An insignificant man என்ற ஆவணப்படத்தில், அர்விந்த் கெஜ்ரிவால் மீது நச்சிகேட்டா வால்ஹேகர் என்பவர் பேனா மையை வீசிய சம்பவம் காட்சியாக இடம்பெற்றுள்ளது. இது தமக்கு களங்கம் விளைவிக்கும் வகையில் இருப்பதாக நச்சிகேட்டா வால்ஹேகர் உச்சநீதிமன்றத்தில் வழக்கு தொடுத்திருந்தார்.

ராஜபுத்திர இனத்தை சேர்ந்த பத்மாவதி என்ற ராணி கதாப்பாத்திரத்தின் அடிப்படையில் உருவாக்கப்பட்டுள்ள பத்மாவதி திரைப்படத்தை வெளியிடக் கூடாது என எதிர்ப்புக் குரல்கள் எழும்பி வரும் சூழலில் உச்சநீதிமன்றம் தெரிவித்துள்ள கருத்துகள் முக்கியத்துவம் பெறுகின்றன.
 

Advertisement:
இது தொடர்பான செய்திகள் :
Advertisement:
Advertisement:
[X] Close