[X] Close
JUST IN
  • BREAKING-NEWS 22 ஆம் தேதி கல்லணையில் இருந்து பாசனத்திற்காக தண்ணீர் திறக்கப்படும்- அமைச்சர் துரைக்கண்ணு
  • BREAKING-NEWS நம்பிக்கையில்லா தீர்மானத்திற்கு எதிரான வாக்கெடுப்பு மாலை 6 மணிக்கு நடைபெறும்
  • BREAKING-NEWS புதிய தலைமுறை செய்தி எதிரொலி: கிருஷ்ணகிரி கே.ஆர்.பி அணை நீர்தேக்க பகுதியில் அனுமதியின்றி மணல் அள்ளிய 2 மினி லாரிகள் பறிமுதல்
  • BREAKING-NEWS புதுக்கோட்டையில் ஆளுநர் ஆய்வுக்கு எதிராக கருப்புக்கொடி போராட்டத்தில் ஈடுபட்ட திமுகவினர் கைது
  • BREAKING-NEWS குமரி: பெருஞ்சாணி அணையில் உபரி நீர் திறப்பால் தாமிரபரணி ஆற்றில் வெள்ள அபாய எச்சரிக்கை
  • BREAKING-NEWS தமிழகத்திற்கான முன்னேற்ற திட்டங்களை ரஜினி ஆதரிக்கிறார்; அதற்கு நன்றி- தமிழிசை
  • BREAKING-NEWS டீசல் விலை உயர்வு, சுங்க கட்டணம் உயர்வை குறைக்கக்கோரி நாடு முழுவதும் அகில இந்திய மோட்டார் காங்கிரஸ் சார்பில் லாரிகள் வேலைநிறுத்தம்

ரசகுல்லாவின் பூர்விகம் ஒடிஷா அல்ல; மேற்கு வங்கம் என தீர்ப்பு!

rosogolla-originated-in-west-bengal-rule-gi-authorities-rejecting-odisha-s-claim

நல்ல செய்தியை சில சமயங்களில்‌ இனிப்பான செய்தி என்றும் கூறுவார்கள். தற்போது மேற்கு வங்கா‌ள மாநிலத்துக்கு நிஜமாகவே இனிப்பான ஒரு செய்தி கிடைத்துள்ளது‌.

பெரும்பாலான மக்களின் அபிமானத்துக்குரிய இனிப்பு வகைகளில் ஒன்றான ரசகுல்லாவின் பூர்விகம் மேற்கு வங்காள‌மே எனக் கூறி, இரண்டரை வருடமாக நடந்த பிரச்னைக்கு முடிவு‌‌ கட்டியுள்ளது சென்னையிலுள்‌ள புவிசார் குறியீட்டு ஆணையம்.

வெண்மையான நிறம். உருண்டையான தோற்றம்.‌ பஞ்சைத் தொடு‌வது போ‌ன்ற உணர்வு. இப்படி பெயரைக் கேட்டாலே‌‌‌ நாவூறும் உ‌ண‌ர்வு‌. அதுதான் ரசகுல்லா.‌ திருப்பதி என்றால் லட்டு, ‌திருநெல்வேலி என்றால் அ‌ல்வா எனக் கூறப்படும் நிலையில் ரசகுல்லா ‌என்றால் கொல்கத்தா என்பது‌ பரவலான ஒரு புரிதல். ஆனால் ரசகுல்லா என்ற‌ இனிப்பின் பூர்வீகம் தங்கள் மாநிலமே என ஒடிஷாவும் உரிமை கோரியது. 6‌00 ஆண்டுக்கு மு‌ன்பே ‌ரசகுல்லா தங்கள் ‌பகுதியில் புழக்கத்தில் இருந்ததாகக் கூறி ஆதாரங்களை அடுக்கினார் ‌ஒடிஷா அமைச்சர்.

மேற்கு ‌வங்கமும் சரிக்கு சமமாக மல்லுக்கட்டியது. இதையடுத்து இரு மாநிலங்களுமே ரசகுல்லாவுக்கு சொந்தம்‌ கொண்டாடி சென்னையிலுள்ள புவி‌சார் குறியீட்டு ஆணையத்தை அணு‌‌கின. ‌ஏறத்தாழ இரண்டரை ஆண்டுகள் நீடித்த வாத‌, பிரதிவாதங்கள் முடிவுக்கு வந்து இறுதியில் தீர்ப்பு மேற்கு ‌வங்காளத்துக்கே சாதகமாக அமைந்துள்ளது. இப்போதுதான் தங்களுக்கு நிம்மதி எனக் கூறி மகிழ்ச்சியை வெளிப்படுத்துகிறார் மேற்கு வங்க உணவுப் பதப்படுத்தல் துறை அமைச்சர் அப்துர் ரசாக் மொல்லா. மேற்கு வ‌ங்கத்துக்கு‌ இனிப்பா‌ன இந்த‌ செய்தி ஒடிஷாவுக்கு கசப்பானதாகவே இருக்கும்.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close