நானும் பாலியல் தொல்லைக்கு ஆளாகியிருக்கிறேன்: பூனம் மகாஜன்

தானும் பாலியல் தொல்லைக்கு உள்ளாகி இருப்பதாக பாஜக எம்பி பூனம் மகாஜன் தெரிவித்தார்.

மறைந்த முன்னாள் பாஜக தலைவர் பிரமோத் மகாஜனின் மகளும் பாஜக இளைஞர் அணி தலைவருமான பூனம் மகாஜன், அகமதாபாத்தில் நடந்த கருத்தரங்கு ஒன்றில் பேசிய போது இதை தெரிவித்தார். அவர் மேலும் கூறும்போது, ‘ இந்தியாவில் நான் உட்பட ஒவ்வொரு பெண்ணும் பாலியல் தொல்லையை சந்தித்துதான் வருகிறோம். நான் படித்துக்கொண்டிருக்கும்போது, மும்பை, வொர்லியில் இருந்து வெர்சோவாவுக்கு ரயில் செல்வேன். என்னை சிலர் தவறான கண்ணோட்டத்துடன் பார்த்ததை நான் அப்போது உணரவில்லை. ஆனால் இந்த உலகில் ஒவ்வொரு பெண்ணும் குறிப்பாக இந்தியாவில் அதை எதிர்கொண்டுதான் வந்திருக்க வேண்டும்’ என்றார்.