[X] Close
JUST IN
  • BREAKING-NEWS திமுக ஆட்சியைப் பிடிக்கவும் முடியாது, மு.க.ஸ்டாலின் முதலமைச்சர் ஆகவும் முடியாது - வைகைச்செல்வன்
  • BREAKING-NEWS மறைந்த முன்னாள் முதல்வர் ஜெயலலிதாவின் வாழ்க்கை வரலாறு பற்றிய படத்தின் ஃபர்ஸ்ட் லுக் போஸ்டர் வெளியீடு
  • BREAKING-NEWS எக்காலத்திலும் செவிலியர் படிப்புக்கு நீட் தேர்வை அனுமதிக்கமாட்டோம் - அமைச்சர் விஜயபாஸ்கர்
  • BREAKING-NEWS சேலம்-சென்னை 8 வழிச்சாலை திட்டத்திற்காக நிலம் தர விருப்பம் இல்லாத விவசாயிகளை துன்புறுத்தக்கூடாது - உயர்நீதிமன்றம்
  • BREAKING-NEWS கேரளாவில் கன்னியாஸ்திரி பாலியல் வன்கொடுமை வழக்கில் குற்றம் சாட்டப்பட்டுள்ள பிஷப் பிராங்கோ பணியிடை நீக்கம் - வாடிகன் நிர்வாகம்
  • BREAKING-NEWS மொஹரம் பண்டிகையை முன்னிட்டு புதுச்சேரி, காரைக்கால், ஏனாம் பகுதிகளுக்கு நாளை அரசு பொது விடுமுறை - புதுச்சேரி அரசு
  • BREAKING-NEWS இந்திய கிரிக்கெட் அணியின் கேப்டன் விராட் கோலிக்கு ராஜீவ் காந்தி கேல் ரத்னா விருது அறிவிப்பு

98 வயதில் எம்.ஏ முடித்த ’இளைஞரு’க்கு கவிதை எழுத ஆசை!

ma-at-98-man-plans-to-write-poetry-on-poverty

98 வயதில் எம்.ஏ. முடித்துள்ள பாட்னா ’இளைஞர்’ வறுமை ஒழிப்பு பற்றி கவிதை எழுத இருப்பதாகத் தெரிவித்துள்ளார்.
பாட்னாவை சேர்ந்தவர் ராஜ்குமார் வைஷ்யா. வயது 98. இவர் கடந்த வருடம் நாலந்தா திறந்த வெளி பல்கலைக்கழகத்தில் எம்.ஏ. தேர்வு எழுதினார். நேற்று முறைப்படி எம்.ஏ. டிகிரியை பெற்றுள்ளார். ஆக்ரா பல்கலைக்கழகத்தில் 1938-ல் பொருளாதாரத்தில் டிகிரி முடித்த இவர், பின்னர் தனியார் நிறுவனம் ஒன்றில் மேலாளராக வேலை பார்த்து, 1980-ல் ஓய்வு பெற்றார். முதுகலை படிக்க வேண்டும் என்பது அவரது நீண்ட நாள் ஆசை. அதை இப்போது நிறைவேற்றியிருக்கிறார் வைஷ்யா. இவர் எம்.ஏ தேர்வு முடிவு நேற்றுதான் இவருக்கு கிடைத்துள்ளது. இப்போது இவர், வறுமை ஒழிப்பு பற்றி கவிதை எழுத இருப்பதாகக் கூறியுள்ளார்.
‘சுதந்தர போராட்டக் காலங்களில் வறுமை ஒழிப்பு என்ற வார்த்தை அடிக்கடி எங்கள் காதில் ஒலிக்கும். இப்போதும் அந்த வார்த்தை ஒலித்துக்கொண்டிருக்கிறது. இன்னும் வறுமை ஒழியவில்லை. குடிசை பகுதி புகைப்படங்களை எடுக்க, என் மகனிடம் கேமரா கேட்டுள்ளேன். பின் அது தொடர்பாக கவிதை, கட்டுரை எழுதி பத்திரிகைகளுக்கு அனுப்ப இருக்கிறேன்’ என்கிறார்.
எம்.ஏ.,வில் பாஸ் ஆவதற்கு ஓய்வு பெற்ற கல்லூரி பேராசிரியரான மகனும் பேராசிரியையான மருமகளும் காரணம் என்கிறார் வைஷ்யா. 

Advertisement:
Advertisement:
Advertisement:
[X] Close