[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

சிறையிலிருந்து வெளியே சென்றார் சசிகலா? புதிய வீடியோ வெளியீடு

was-jailed-sasikala-allowed-to-step-out-video-suggests

சொத்துக்குவிப்பு வழக்கில் சிறைத்தண்டனை அனுபவித்து வரும் அதிமுக பொதுச் செயலாளர் சசிகலா, சிறையிலிருந்து வெளியே சென்றதற்கான ஆதாரங்களை, கர்நாடக மாநில சிறைத்துறை முன்னாள் டிஐஜி ரூபா, ஊழல் தடுப்புப் பிரிவிடம் சமர்ப்பித்துள்ளார்.

இது தொடர்பான பிரத்யேக காட்சியை ஏஎன்ஐ செய்தி நிறுவனம் வெளியிட்டுள்ளது. அந்த காட்சியில், சசிகலாவும், இளவரசியும் சாதாரண உடையில், சிறையின் பிரதான வாயிலுக்குள் நுழைவது போன்ற காட்சி இடம் பெற்றுள்ளது. அவர்கள் இருவரும் கையில் பை ஒன்றை வைத்துள்ளனர். 

இந்தக் காட்சிகளின் மூலம் இருவரும், காவல்துறை உயரதிகாரிகளின் அனுமதியோடு வெளியே சென்று வந்தது தெரியவந்துள்ளது. இது தொடர்பாக சிறைத்துறை முன்னாள் டிஐஜி ரூபாவைத் தொடர்பு கொண்ட போது, இந்த ஆதாரத்தை ஊழல் தடுப்புப் பிரிவிடம் சமர்ப்பித்துள்ளதாகக் கூறியுள்ளார். மேலும், பெங்களூரு பரப்பன அக்ரஹார சிறையில் நடந்தவை குறித்து விசாரிக்க அம்மாநில அரசால் நியமிக்கப்பட்டுள்ள ஓய்வு பெற்ற ஐஏஎஸ் அதிகாரி வினய் குமார் தலைமையிலான குழுவிடமும் ரூபா இந்த ஆதாரங்களை அளித்துள்ளார். இந்த வீடியோ ஆதாரங்கள் அனைத்தும் பரப்பன அக்ரஹார சிறை கண்காணிப்புக் கேமரா பதிவுகளிலிருந்து பெறப்பட்டதாக ரூபா கூறியுள்ளார்.

வீடியோ

Advertisement:
Advertisement:
Advertisement:
[X] Close