[X] Close
JUST IN
  • BREAKING-NEWS பள்ளி மாணவர்களுக்கு தொடர்ந்து இலவச பஸ் பாஸ் வழங்கப்படும் - தமிழக அரசு
  • BREAKING-NEWS கஜானாவை நோக்கி நாம் செல்லவில்லை; மக்களின் முன்னேற்றத்தை நோக்கி சென்று கொண்டிருக்கிறோம் - கமல்ஹாசன்
  • BREAKING-NEWS பேருந்து கட்டண உயர்வை மனவருத்தத்தோடு மக்கள் ஏற்றுக்கொள்ள வேண்டும்: வைகைச்செல்வன்
  • BREAKING-NEWS டிடிவி தினகரன் ஆதரவு 18 எம்எல்ஏக்கள் தகுதி நீக்க வழக்கில் தேதி குறிப்பிடாமல் தீர்ப்பை ஒத்திவைத்தது உயர்நீதிமன்றம்
  • BREAKING-NEWS அனுமதியின்றி ஜல்லிக்கட்டு நடத்தினால் சட்டப்படி நடவடிக்கை எடுக்கலாம்- உயர்நீதிமன்ற கிளை
  • BREAKING-NEWS பாரதிய ஜனதா கட்சியுடனான 29 ஆண்டுகால கூட்டணியை முறித்துக் கொள்கிறது சிவசேனா
  • BREAKING-NEWS திடீரென APP மூலம் அரசியலில் நடிகர்கள் இறங்கியுள்ளனர்; அது அவர்களுக்கு ஆப்பாக தான் முடியும்- ஜெயக்குமார்
இந்தியா 04 Aug, 2017 06:13 PM

பெங்களூரு ரயில் நிலையங்களில் இந்தி பெயர் பலகைகள் அகற்றம்

hindi-name-boards-have-been-taken-out-at-bangalore-railway-stations

பெங்களூரு மெட்ரோ ரெயில் நிலையங்களின் அறிவிப்பு மற்றும் பெயர்ப் பலகைகளில் இந்தி மொழி இடம் பெற்றமைக்கு கடும் எதிர்ப்பு எழுந்த நிலையில், அந்த பெயர்ப்பலகைகள் அகற்றப்பட்டுள்ளன. 

கர்நாடக மாநிலத்தின் நம்ம மெட்ரோ ரெயில் நிலையங்களில் உள்ள பெயர்ப்பலகைகள் கன்னடம், ஆங்கிலம் மற்றும் இந்தி ஆகிய மும்மொழிகளில் உள்ளது. இந்த பெயர்ப்பலகைகளில் இருந்து இந்தி மொழியை நீக்க வேண்டும் என்று கன்னட அமைப்புகள் கடந்த ஒரு மாதத்திற்கு மேலாக போராட்டங்கள் நடத்தி வருகின்றன. சில இடங்களில் போராட்டக்காரர்கள் தாங்களாகவே பெயர் பலகையில் இருந்து இந்தி மொழியை அகற்றி எதிர்ப்பை வெளிப்படுத்தினர்.

தொடர் போராட்டங்கள் காரணமாக முதல் அமைச்சர் சித்தராமையாவுக்கும் நெருக்கடி அதிகரித்தது. இதனையடுத்து, கொச்சி மற்றும் சென்னையில் செயல்பட்டு வரும் மெட்ரோ ரெயில் நிலையங்கள் பயன்படுத்தப்படும் மொழிக் கொள்கை குறித்து சர்வே எடுக்க உத்தவிட்டார். அதில், சென்னையில் உள்ள மெட்ரோ ரெயில் நிலையங்களில் தமிழ் மற்றும் ஆங்கிலம் மட்டுமே பயன்படுத்தப்படுவதும், கொச்சி மெட்ரோ ஸ்டேஷன் ரெயில் நிலையங்களில் மலையாளம், ஆங்கிலம் மற்றும் இந்தி உள்ளிட்ட மொழிகளில் எழுதியுள்ளதும் தெரியவந்தது.

இதனையடுத்து, கர்நாடக மாநில முதல்வர் சித்தராமையா மத்திய நகர்புற மேம்பாட்டுத் துறை அமைச்சர் நரேந்திர சிங் தோமருக்கு கடிதம் எழுதினார். அதில், நம்ம மெட்ரோ ரெயில் நிலைய பெயர்ப்பலகைகளில் உள்ள இந்தி மொழியை நீக்கும் முடிவை எடுக்கும் நிலைக்கு தள்ளப்பட்டுள்ளதாக தெரிவித்திருந்தார். மேலும், பெங்களூர் மெட்ரோ நிர்வாகத்திற்கு, இந்தி மொழி அல்லாமல் புதிய பலகைகளை தயாரிக்குமாறு பரிந்துரையும் அவர் செய்திருந்தார். இந்நிலையில், மெட்ரோ ரயில் நிலையங்களில் உள்ள பெயர்ப்பலகைகள் இன்று அகற்றப்பட்டன. விரைவில், இந்தி அல்லாத புதிய பலகைகள் வைக்கப்படும் என அதிகாரிகள் தெரிவித்துள்ளனர்.
 

Advertisement:
Advertisement:
Advertisement:
[X] Close