[X] Close
JUST IN
  • BREAKING-NEWS கமல்ஹாசனை ஆசிர்வாதம் செய்து அனுப்பிய விஜயகாந்த் தேர்தல் நேரத்தில் அவருடன் கூட்டணி குறித்து முடிவெடுப்பார் - பிரேமலதா விஜயகாந்த்
  • BREAKING-NEWS காவிரி விவகாரத்தில் தமிழக அரசின் அனைத்துக்கட்சி கூட்டத்திற்கு அரசியல் கட்சிகள், விவசாய சங்கங்கள் உட்பட 44 அமைப்புகளுக்கு அழைப்பு
  • BREAKING-NEWS #JUSTIN தமிழக அரசின் அம்மா ஸ்கூட்டர் மானிய திட்டத்திற்கு தடை கோரி உயர்நீதிமன்ற மதுரை கிளையில் மனு
  • BREAKING-NEWS ஆளுநருக்கு கருப்புக்கொடி காட்டுவதன் மூலம் ஜோக்கர் என்பதை திமுகவினர் காட்டிக்கொள்கின்றனர்-ஹெச்.ராஜா
  • BREAKING-NEWS நான் இனி சினிமா நட்சத்திரம் இல்லை; உங்கள் வீட்டு விளக்கு- கமல்ஹாசன்
  • BREAKING-NEWS காஞ்சிபுரம்: உத்திரமேரூர் அருகே ஆதரவற்றோர் இல்லத்தில் மாதந்தோறும் 40 முதல் 50 முதியவர்கள் மர்ம மரணம்
  • BREAKING-NEWS கமல் ஒரு மரபணு மாற்றப்பட்ட விதை; இந்தியாவில் அதை விதைப்பதில்லை- அமைச்சர் ஜெயக்குமார்

குடியரசுத் தலைவர் தேர்தல் 99% வாக்குப்பதிவு

99-polling-in-presidential-election

 

இன்று நடைபெற்ற குடியரசுத் தலைவர் தேர்தலில் நாடு முழுவதும் உள்ள எம்.எல்.ஏ, எம்.பி.க்கள் வாக்களித்தனர். வாக்குரிமை உள்ளவர்களில் 99 சதவீதம் வாக்குப்பதிவு நடைபெற்றுள்ளது.

டெல்லியில் நாடாளுமன்ற செயலகத்தில் அமைக்கப்பட்ட வாக்குப்பதிவு மையத்தில் பிரதமர் நரேந்திர மோடி, தனது வாக்கை செலுத்தினார். அவருடன் வந்த பாஜக தலைவரான அமித்ஷாவும் தனது வாக்கை பதிவு செய்தார். இதையடுத்து மத்திய அமைச்சர்கள், தேசிய ஜனநாயக கூட்டணி எம்.பி.க்கள் பலரும் குடியரசுத் தலைவர் தேர்தலில் வாக்கை செலுத்தினர். காங்கிரஸ் தலைவர் சோனியாகாந்தி மற்றும் துணைத்தலைவர் ராகுல்காந்தி ஆகியோர் நாடாளுமன்றத்தில் தங்கள் வாக்கை பதிவு செய்தனர். மார்க்சிஸ்ட் கம்யூனிஸ்ட் பொதுச்செயலாளர் சீத்தாராம் யெச்சூரி, இந்திய கம்யூனிஸ்ட் தேசிய செயலாளர் டி.ராஜா, மாயாவதி உள்ளிட்ட எதிர்க்கட்சி உறுப்பினர்களும் குடியரசுத் தலைவர் தேர்தலில் தங்கள் வாக்குகளை பதிவு செய்த‌னர்.

தமிழகத்தில் குடியரசுத் தலைவர் தேர்தலுக்கான வாக்குப்பதிவு காலை தொடங்கியபோது முதலமைச்சர் எடப்பாடி பழனிசாமி தனது வாக்கை பதிவு செய்தார். பின்னர் எதிர்க்கட்சித் தலைவர் மு.க.ஸ்டாலின், முன்னாள் முதலமைச்சர் ஓ.பன்னீர்செல்வம் ஆகியோரும் குடியரசுத் தலைவர் தேர்தலில் வாக்கை பதிவு செய்தனர். மத்திய இணையமைச்சரும் கன்னியாகுமரி தொகுதி எம்.பி.யுமான பொன் ராதாகிருஷ்ணன் வாக்கு செலுத்தினார். இதையடுத்து சட்டப்பேரவை உறுப்பினர்கள் வாக்களித்தனர். உடல்நலக்குறைவு காரணமாக திமுக தலைவர் கருணாநிதி வாக்களிக்க வரவில்லை. ஆர்.கே.நகர் தொகுதி காலியாக இருக்கும் நிலையில், மொத்தம் 232 எம்.எல்.ஏ.க்கள் சென்னையில் வாக்களித்தனர்.

புதுச்சேரியில் மொத்தமுள்ள 30 எம்எல்ஏக்களும் வாக்களித்ததையடுத்து இரண்டரை மணிநேரத்தில் வாக்குப்பதிவு முடிந்தது. குடியரசுத் தலைவர் தேர்தல் நடைபெற்ற நிலையில், டெல்லியில் குடியரசுத் தலைவர் பதவி ஏற்பு நிகழ்ச்சிக்கான ஒத்திகை நடந்தது. விஜய் சவுக் பகுதியில் வீரர்கள் குதிரையில் அணிவகுத்து சென்று ஒத்திகையில் ஈடுபட்டனர்.

வீடியோ

Advertisement:
Advertisement:
Advertisement:
[X] Close