[X] Close
JUST IN
  • BREAKING-NEWS காரைக்கால் மாவட்டத்தில் நாளை பள்ளிகளுக்கு விடுமுறை - ஆட்சியர் கேசவன்
  • BREAKING-NEWS வேதாரண்யம் அருகே 35க்கும் மேற்பட்ட கிராமங்களில் தொலைத்தொடர்பு சேவைகள் முழுவதும் பாதிப்பு
  • BREAKING-NEWS கஜா புயலால் கடுமையாக பாதிக்கப்பட்ட வேதாரண்யம் தனித்தீவாக காட்சியளிக்கிறது
  • BREAKING-NEWS கஜா புயலின் தாக்கத்தால் ஏற்பட்ட விபத்துகளில் தமிழகத்தில் இதுவரை உயிரிழந்தோரின் எண்ணிக்கை 27 ஆனது
  • BREAKING-NEWS 21 கி.மீ. வேகத்தில் நாகையை நெருங்கி வருகிறது கஜா புயல் - சென்னை வானிலை ஆய்வு மையம்
  • BREAKING-NEWS கடற்கரையில் உள்ளவர்களை கலைந்து செல்ல அறிவுறுத்துமாறு காவல்துறைக்கு பேரிடர் மேலாண்மைத் துறை உத்தரவு
  • BREAKING-NEWS ‘கஜா புயல்’... முன்னெச்சரிக்கை அடிப்படையில் தேவையான நடவடிக்கைகள் அரசு சார்பில் மேற்கொள்ளப்பட்டுள்ளன; மக்கள் அச்சமடைய வேண்டாம் - பேரிடர் மேலாண்மைத் துறை

குரல் மாதிரி சோதனைக்கு மறுப்பு: விதிகளில் இடம் இல்லை என்கிறார் தினகரன்

ttv-dhinakaran-refuses-sample-voice-test

டெல்லி நீதிமன்றத்தில் ஆஜர்படுத்தப்பட்ட டிடிவி தினகரன் குரல் மாதிரி பதிவு சோதனைக்கு மறுப்பு தெரிவித்தார்.

அதிமுக (அம்மா) அணியை சேர்ந்த டிடிவி தினகரன், இரட்டை இலை சின்னத்தை பெறுவதற்காக தேர்தல் ஆணையத்துக்கு லஞ்சம் கொடுக்க முயன்றதாகவும், இதற்காக இடைத்தரகர் சுகேஷ் சந்திரசேகர் என்பவருடன் ரூ.50 கோடி பேரம் பேசியதாகவும் கூறப்படுகிறது. இது தொடர்பாக டெல்லி போலீஸார் விசாரணை நடத்தி, சுகேஷ் சந்திரசேகர், டிடிவி தினகரன், அவரது நண்பர் மல்லிகார்ஜுனா, ஹவாலா ஏஜென்ட் நரேஷ் ஆகிய 4 பேரை கைது செய்தனர். அவர்கள் 4 பேரும் தற்போது டெல்லி திஹார் சிறையில் அடைக்கப்பட்டுள்ளனர்.

தேர்தல் ஆணைய அதிகாரிகளுக்கு லஞ்சம் கொடுப்பது குறித்து தினகரனும் சுகேஷும் பலமுறை செல்போனில் பேசியுள்ளதாகவும் அவர்களின் உரையாடல் அடங்கிய பதிவு தங்களிடம் உள்ளதாகவும் டெல்லி போலீசார் தெரிவித்தனர். அந்த பதிவில் உள்ள குரல்கள் இவர்களுடையதுதான் என்பதை நிரூபிக்க, இருவருக்கும் குரல் மாதிரி சோதனை நடத்த அனுமதி கேட்டு நீதிமன்றத்தில் அவர்கள் கோரிக்கை வைத்தனர். போலீசாரின் கோரிக்கையை ஏற்ற டெல்லி தீஸ் ஹசாரி நீதிமன்றம் இருவரின் குரல் மாதிரிகளை சோதனை செய்ய இரு தினங்களுக்கு முன் அனுமதி வழங்கியது.

இந்நிலையில் டெல்லி நீதிமன்றத்தில் இன்று ஆஜர்படுத்தப்பட்ட டிடிவி தினகரன், குரல் மாதிரி பதிவு சோதனைக்கு மறுப்பு தெரிவித்தார். குற்றவியல் சட்டத்தில் குரல் மாதிரியை பதிவு செய்ய விதிகள் இல்லை எனவும் டிடிவி தினகரன் அப்போது கூறியுள்ளார்.

Advertisement:
இது தொடர்பான செய்திகள் :
Related Tags : Ttv dhinakaran AIADMK delhi
Advertisement:
Advertisement:
[X] Close