[X] Close
JUST IN
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்
  • BREAKING-NEWS அடுத்த 2 நாட்களுக்கு திருவள்ளூர், வேலூர், தி.மலை, சென்னை, காஞ்சிபுரம், கடலூர், விழுப்புரம், திருச்சி உள்ளிட்ட இடங்களில் வெப்ப அலை வீச வாய்ப்பு- வானிலை ஆய்வு மையம்

ஜனாதிபதி தேர்தலில் பொதுவேட்பாளர்: சோனியா, ராகுலுடன் மம்தா பானர்ஜி சந்திப்பு

mamata-banerjee-in-delhi-meets-sonia-gandhi-and-rahul-gandhi

ஜனாதிபதி தேர்தலில் எதிர்க்கட்சிகள் சார்பாக பொது வேட்பாளரை நிறுத்துவது தொடர்பாக சோனியா காந்தி மற்றும் ராகுல் காந்தியை மம்தா பானர்ஜி சந்தித்து ஆலோசனை நடத்தினார்.

ஜனாதிபதி பிரணாப் முகர்ஜியின் பதவிக்காலம் ஜூலை மாதம் 25 ஆம் தேதி முடிகிறது. புதிய ஜனாதிபதியை தேர்ந்தெடுப்பதற்கான தேர்தல் அறிவிப்பு விரைவில் வெளியாக உள்ளது. ஜனாதிபதி தேர்தலில், பொது வேட்பாளரை களமிறக்குவது பற்றி காங்கிரஸ் தலைவர் சோனியா காந்தி, எதிர்க்கட்சி தலைவர்களை அழைத்து பேசி வருகிறார். அந்த வகையில் அவர் ஐக்கிய ஜனதா தள தலைவரும், பீகார் முதலமைச்சருமான நிதிஷ் குமார், மார்க்சிஸ்ட் கம்யூனிஸ்ட் கட்சியின் பொதுச்செயலாளர் சீதாராம் யெச்சூரி, இந்திய கம்யூனிஸ்ட் கட்சியின் தேசியச் செயலாளர் டி.ராஜா ஆகியோரை அழைத்துப் பேசியுள்ளார்.

இந்த நிலையில், காங்கிரஸ் தலைவர் சோனியா காந்தியை அவரது இல்லத்தில் திரிணாமுல் காங்கிரஸ் தலைவரும், மேற்கு வங்க முதல்வருமான மம்தா பானர்ஜி நேற்று சந்தித்துப் பேசினார். இரு தலைவர்களும் ஜனாதிபதி தேர்தலில் பொது வேட்பாளரை நிறுத்துவது குறித்து விவாதித்தனர். அப்போது காங்கிரஸ் துணைத்தலைவர் ராகுல் காந்தியும் உடனிருந்தார். இந்த சந்திப்பு அரை மணி நேரத்துக்கு மேலாக நீடித்தது.

அதைத்தொடர்ந்து மம்தா பானர்ஜி செய்தியாளர்களுடன் பேசும்போது, “ஜனாதிபதி தேர்தலில் பொது வேட்பாளரை நிறுத்துவது குறித்து பேசினோம். அதே நேரத்தில் வேட்பாளராக யாருடைய பெயரையும் நாங்கள் விவாதிக்கவில்லை. மேலும், நிறைய அரசியல் சமன்பாடுகள் உள்ளன. நாங்கள் மீண்டும் ஒன்றாக அமர்ந்து பேசி, விவாதித்து நாட்டுக்காக உழைக்கக்கூடிய ஒருவரை பொது வேட்பாளராக தேர்வு செய்ய முயற்சி எடுப்போம். அவர் நாட்டுக்காக பணியாற்றக்கூடிய சிறந்த வேட்பாளராக இருப்பார்” என்று மம்தா பானர்ஜி கூறினார்.

Advertisement:
இது தொடர்பான செய்திகள் :
Advertisement:
Advertisement:
[X] Close