[X] Close
JUST IN
  • BREAKING-NEWS நீலகிரி, கோவை, திண்டுக்கல், தேனி, காஞ்சிபுரம், திருவள்ளூர், வேலூர், தி.மலையில் கனமழை பெய்ய வாய்ப்பு - வானிலை ஆய்வு மையம்
  • BREAKING-NEWS அரசுப் பள்ளி ஆசிரியர்களின் கற்பித்தல் திறன், மாணவர்களின் கற்றல் திறனை ஆய்வு செய்ய சிறப்புக்குழுக்களை அமைக்க பள்ளிக்கல்வித்துறைக்கு உயர்நீதிமன்றக் கிளை உத்தரவு
  • BREAKING-NEWS வட கிழக்கு பருவ மழைக்கு முன் மழை நீரை சேமிக்கும் பணியில் ஈடுபட வேண்டும் என மக்களிடம் அமைச்சர் வேலுமணி வேண்டுகோள்
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா

இளம்பெண்ணைக் கடத்தி பாலியல் பலாத்காரம்: மீண்டும் அட்டூழியம்

rape-in-delhi

ஓடும் காரில் இளம் பெண் ஒருவர் கூட்டுப் பாலியல் பலாத்காரம் செய்யப்பட்ட சம்பவம் பரபரப்பை ஏற்படுத்தியுள்ளது. டெல்லி அருகே மீண்டும் நடந்த இந்தச் சம்பவத்தால் பொதுமக்கள் பீதி அடைந்துள்ளனர்.

சிக்கிமைச் சேர்ந்தவர் 26 வயது இளம்பெண். டெல்லி குர்கான் பகுதியில் வசித்து வந்தார். இவர் கடந்த வெள்ளிக்கிழமை மாலை டெல்லி கானாட்பிளேஸ் பகுதியில் உள்ள சாஹ்தாராவில் வசிக்கும் தனது ஆண் நண்பரை பார்க்கச் சென்றார். அவருடன் சினிமா பார்த்துவிட்டு இரவு பத்துமணிக்கு மேல், இருவரும் மது அருந்தினர். பின்னர் டின்னரை முடித்துவிட்டு, வாடகைக் காரில் தனியாக குர்கான் சென்றார். அதிகாலை 2 மணிக்கு காரில் இருந்து இறங்கிய அவர், வீட்டின் அருகே நடந்து சென்று கொண்டிருந்தார்.

அப்போது அங்கு நின்ற 3 பேர் அவரை இழுத்து, தங்களது ஸ்விப்ட் டிசையர் காருக்குள் தள்ளினர். கார் ஓடத் தொடங்கியது. மூன்று பேரும் அவரை பாலியல் பலாத்காரம் செய்துவிட்டு கொல்வதற்கு திட்டமிட்டுள்ளனர். அப்போது அந்தப் பெண் கண்ணீர் மல்க கெஞ்சியதை அடுத்து சனிக்கிழமை காலை 6.30 மணிக்கு ரோட்டில் அவரை தள்ளிவிட்டுவிட்டு சென்றுவிட்டனர்.

பைக்கில் சென்ற ஒருவர் உதவியால் நஜாபஹர் சுங்க சாவடிக்கு வந்த அந்தப் பெண், அங்கிருந்து டெல்லி போலீசில் புகார் செய்தார். போலீசார் அவரை மீட்டு, மருத்துவமனையில் சேர்த்தனர். இந்தச் சம்பவம் பற்றி விசாரித்து வருகின்றனர்.

டெல்லி மற்றும் அதன் சுற்றுப்பகுதியில் இது போன்ற பாலியல் பலாத்கார சம்பவங்கள் அதிகரித்து வருவது பொதுமக்கள் மத்தியில் அதிர்ச்சியை ஏற்படுத்தியுள்ளது.

Advertisement:
Related Tags : Gurgaondelhi gurgaon
Advertisement:
Advertisement:
[X] Close