[X] Close
JUST IN
  • BREAKING-NEWS ஐ.என்.எக்ஸ் மீடியா வழக்கு: டெல்லி திகார் சிறையில் ப.சிதம்பரத்திடம் அமலாக்கத்துறை அதிகாரிகள் விசாரணை
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு

பெரு நிறுவனங்களின் கடன்களை தள்ளுபடி செய்யவே பண மதிப்பிழப்பு நடவடிக்கை: அரவிந்த் கெஜ்ரிவால்

aravindh-kejiriwal-blame-central-government

பெரு நிறுவனங்களின் 8 லட்சம் கோடி கடன்களைத் தள்ளுபடி செய்வதற்குத்தான் பண மதிப்பிழப்பு நடவடிக்கையை மத்திய அரசு மேற்கொண்டுள்ளது என டெல்லி முதலமைச்சர் அரவிந்த் கெஜ்ரிவால் குற்றம்சாட்டியுள்ளார்.

மத்திய அரசின் பண மதிப்பிழப்பு நடவடிக்கை கறுப்புப்பண ஒழிப்பிற்காக எடுக்கப்பட்ட நடவடிக்கை என்று கூறுவதை ஏற்க முடியாது எனவும் பழைய ரூ.500, ரூ.1000 நோட்டுகள் திரும்பப் பெறப்பட்டதால் எந்த நன்மையும் ஏற்படவில்லை என்றும் அரவிந்த் கெஜ்ரிவால் கூறியுள்ளார்.

இந்த நடவடிக்கை மூலம் கருப்புப் பணமும் ஒழியவில்லை எனவும் மாறாக சாமானிய மக்களே பாதிக்கபட்டுள்ளனர் என்றும் அவர் குற்றம்சாட்டியுள்ளார்.

விஜய் மல்லையா உள்ளிட்ட தொழிலதிபர்களின் வங்கிக் கடன்கள் ரூ.1.14 லட்சம் கோடி தள்ளுபடி செய்யப்பட்டிருப்பதாகக் கூறியுள்ள கெஜ்ரிவால் பெரு நிறுவனங்களின் வங்கிக் கடன்கள் ரூ.8 லட்சம் கோடியை தள்ளுபடி செய்ய மத்திய அரசு திட்டமிட்டுள்ளதாகவும் தெரிவித்தார். அதற்காகவே பண மதிப்பிழப்பு நடவடிக்கையை மத்திய அரசு மேற்கொண்டுள்ளதாகவும் அவர் கூறினார்.

பிரதமர் நரேந்திர மோடி கடந்த நவம்பர் மாதம் 8-ம் தேதி 500, 1,000 ரூபாய் நோட்டுகள் செல்லாது என்ற அறிவிப்பை வெளியிட்டார். இதற்கு பதிலாக புதிய 500, 2,000 நோட்டுகள் வெளியிடப்படும் என மத்தய அரசு அறிவித்தது. மத்திய அரசின் இந்த நடவடிக்கையால் சாமானிய மக்கள் கடும் துன்பத்திற்கு உள்ளாவதாக எதிர்க்கட்சியினர் தொடர்ந்து குற்றம் சாட்டி வருகின்றனர்.

Advertisement:
Advertisement:
Advertisement:
[X] Close