[X] Close
JUST IN
  • BREAKING-NEWS கர்நாடகா: இன்று மாலை 6 மணிக்கு நம்பிக்கை வாக்கெடுப்பு நடத்த கோரிய வழக்கு நாளைக்கு ஒத்திவைப்பு
  • BREAKING-NEWS தமிழகத்தில் பரவலாக 2 நாட்களுக்கு மழை நீடிக்கும் - சென்னை வானிலை ஆய்வு மையம்
  • BREAKING-NEWS சூரியனை ஆய்வு செய்ய அடுத்த ஆண்டு ஆதித்யா விண்கலம் அனுப்பப்படும் - இஸ்ரோ தலைவர் சிவன்
  • BREAKING-NEWS கர்நாடகாவில் திறந்து விடப்பட்ட காவிரி நீர் மேட்டூர் அணையை வந்தடைந்தது

பணத்திற்காக விடிய விடிய ஏடிஎம்-கள் முன் காத்திருந்த மக்கள்

delhi-people-in-the-atm-queue-from-last-whole-night-in-mayur-vihar

டெல்லி மக்கள் தங்கள் அன்றாட செலவிற்காக பணம் கிடைக்காமல், விடிய விடிய ஏடிஎம்-கள் முன் தூங்காமல் காத்து நின்றுள்ளனர்.

நாடு முழுவதிலும் உள்ள 500, 1000 ரூபாய் நோட்டுகளை திரும்பப் பெறுவதாக பிரதமர் மோடி கடந்த 8-ஆம் தேதி அறிவிப்பு வெளியிட்டார். இதனையடுத்து, புதிய 500, 2000 ரூபாய் நோட்டுகள் கடந்த 10-ஆம் முதல் வங்கிகள் மூலம் விநியோகம் செய்யப்பட்டு மக்கள் புழக்கத்திற்கு வந்துள்ளன.

புதிய ருபாய் நோட்டுகளை ஏடிஎம்-களில் நிரப்புவதற்கு ஏதுவாக கடந்த 9, 10 ஆகிய இரண்டு தேதிகளில் நாடெங்கும் உள்ள ஏடிஎம்-கள் செயல்படவில்லை. 11-ஆம் தேதி முதல் மீண்டும் ஏடிஎம்-கள் சேவை தொடங்கும் என தெரிவிக்கப்பட்டிருந்தது. ஆனால் தமிழகத்தின் பெரும்பாலான ஏடிஎம்-களில் இன்றுவரை பணம் இல்லை. ஒருசில ஏடிஎம்-களில் மட்டும் பணம் கிடைக்கிறது. இதனால் மக்கள் நீண்ட நேரம் காத்திருக்க வேண்டிய நிலை உள்ளது.

தமிழகத்தில் தான் இந்த நாலை என்றால் நாட்டின் தலைநகரான டெல்லியின் நிலை இதைவிட மோசம். அங்கேயும் மக்கள் பணம் கிடைக்காமல் தவித்து வருகின்றனர். டெல்லியின் பெரும்பாலான இடங்களில் உள்ள ஏடிஎம்-களில் பணம் கிடைக்காத நிலையில், பணம் இருந்த மயூர் விஹார் பகுதியில் உள்ள ஏடிஎம்-கள் முன் விடிய விடிய மக்கள் தூங்காமல் காத்து இருந்துள்ளனர். நேற்று இரவு ஏடிஎம்-கள் முன்பு குவிந்த மக்கள் இன்று காலை வரை அங்கேயே காத்து கிடக்கின்றனர். அன்றாட செலவிற்காக பணம் தேவை இருப்பதால் பணத்திற்காக இரவு முழுவதும் காத்து இருந்ததாக அவர்கள் வேதனையுடன் கூறியுள்ளனர்.

Advertisement:
Advertisement:
Advertisement:
[X] Close