[X] Close
JUST IN
  • BREAKING-NEWS சந்திராயன் - 2 ஜனவரியில் ஜிஎஸ்எல்வி மார்க் 3 தொழில்நுட்ப ராக்கெட் மூலமே ஏவப்படும் - இஸ்ரோ தலைவர் சிவன்
  • BREAKING-NEWS ஜிசாட்-29 செயற்கைக்கோளுடன் விண்ணில் பாய்ந்தது ஜிஎஸ்எல்வி- மார்க் 3 ராக்கெட்
  • BREAKING-NEWS சென்னையில் பெட்ரோல் லிட்டருக்கு ரூ.80.42 காசுகளாகவும், டீசல் லிட்டருக்கு ரூ.76.30 காசுகளாகவும் விலை நிர்ணயம்
  • BREAKING-NEWS ஆறுமுகசாமி ஆணையத்தின் விசாரணைக்கு உதவும் வகையில் காவல் ஆய்வாளரை நியமிக்க அரசு ஒப்புதல்
  • BREAKING-NEWS இலங்கை நாடாளுமன்றம் ஏற்கனவே அறிவித்தபடி நாளை காலை 10 மணிக்கு கூடுகிறது
  • BREAKING-NEWS இலங்கை நாடாளுமன்றம் கலைக்கப்பட்டதற்கு இடைக்கால தடை விதித்தது இலங்கை உச்சநீதிமன்றம்
  • BREAKING-NEWS கூவம், அடையாறு ஆற்றை பராமரிப்பு செய்யாத வழக்கில் அரசுக்கு விதித்த ரூ.2 கோடி அபராதத்துக்கு தடை

காவிரி மேலாண்மை வாரியத்தை உடனடியாக அமைக்க முடியாது: உச்ச நீதிமன்றத்தில் மத்திய அரசு எதிர்ப்பு

fight-for-justice-in-cauvery-dispute-will-continue

காவிரி மேலாண்மை வாரியத்தை உடனடியாக அமைக்க முடியாது என மத்திய அரசு உச்சநீதிமன்றத்தில் தெரிவித்துள்ளது.

காவிரி விவகாரத்தில் நாளைக்குள் காவிரி மேலாண்மை வாரியத்தை அமைக்க வேண்டும் என்ற உத்தரவுக்கு எதிராக திருத்த மனுவை மத்திய அரசு உச்சநீதிமன்றத்தில் தாக்கல் செய்தது. அதில் காவிரி மேலாண்மை வாரியத்தை உடனடியாக அமைக்க முடியாது என்றும் அதற்கு நாடாளுமன்றத்தின் ஒப்புதல் தேவை என்றும் மத்திய அரசு கூறியுள்ளது. மேலும் 2 நீதிபதிகள் கொண்ட அமர்வு காவிரி மேலாண்மை வாரியம் அமைக்க உத்தரவிட முடியாது என தெரிவித்துள்ள மத்திய அரசு, காவிரி நடுவர் மன்ற தீர்ப்பில், காவிரி மேலாண்மை வாரியம் அமைப்பதை ஒரு பரிந்துரையாகவே தெரிவித்துள்ளதாகவும் கட்டாயம் என குறிப்பிடப்படவில்லை எனவும் கூறப்பட்டுள்ளது.

மத்திய அரசின் மனுவை உச்சநீதிமன்றம் ஏற்றுள்ள நிலையில் நாளை மதியம் மனு விசாரணைக்கு வர உள்ளது. கடந்த வாரம் மத்திய நீர் வளத்துறை அமைச்சர் உமாபாரதி தலைமையில் நடைபெற்ற கூட்டத்தில் காவிரி மேலாண்மை வாரியம் அமைப்பதற்கான ஆரம்ப கட்ட பணிகள் நடைபெறுவதாக கூறப்பட்ட நிலையில் திடீரென மத்திய அரசு மேலாண்மை வாரியம் அமைக்க முடியாது என கூறியுள்ளது. இதனிடையே காவிரி நதி நீர் தொடர்பான வழக்கு நாளை விசாரணைக்கு வர உள்ள நிலையில் நீதிமன்ற உத்தரவுப்படி தமிழகத்திற்கு நீர் திறந்ததா இல்லையா என நாளை மதியம் 2 மணிக்குள் கர்நாடகா பதில் அளிக்க வேண்டும் என உச்சநீதிமன்றம் உத்தரவிட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close