[X] Close
JUST IN
  • BREAKING-NEWS பல வாக்குச்சாவடிகளில் பழுதான மின்னணு வாக்குப்பதிவு இயந்திரங்களை மாற்ற வேண்டும்; வாக்குப்பதிவு இயந்திரங்கள் பழுதால் வாக்குப்பதிவு நேரத்தை நீட்டிக்கவும் கோரிக்கை - தேர்தல் அதிகாரியிடம் காங்கிரஸ் வலியுறுத்தல்
  • BREAKING-NEWS பெரம்பலூர் தொகுதியில் உள்ள வெங்கலம் அரசு தொடக்க பள்ளி வாக்குச் சாவடியில் அதிமுகவினர் குடிபோதையில் ரகளை என புகார்
  • BREAKING-NEWS தமிழகத்தில் காலை 9 மணி நிலவரப்படி வெறும் 4.86% வாக்குகள் மட்டுமே பதிவாகியுள்ளன
  • BREAKING-NEWS தமிழகத்தில் தேர்தல் நடத்த முடியாத சூழ்நிலை உள்ள தொகுதிகள் எவை? - தமிழக தலைமை தேர்தல் அதிகாரியிடம் தலைமை தேர்தல் ஆணையம் அறிக்கை கேட்டிருப்பதாக தகவல்
  • BREAKING-NEWS சாத்தூர் தொகுதி இடைத்தேர்தலுக்கான அமமுக வேட்பாளர் சுப்பிரமணியன் அலுவலகம், தோட்டத்தில் இருந்து ரூ.43 லட்சம் பறிமுதல் செய்யப்பட்ட நிலையில் அவரது வீட்டில் வருமானவரித்துறையினர் சோதனை
  • BREAKING-NEWS வேலூர் மக்களவை தொகுதி தேர்தலை தேர்தல் ஆணையம் ரத்து செய்ததை எதிர்த்து தொடரப்பட்ட மனுக்கள் தள்ளுபடி - சென்னை உயர்நீதிமன்றம்
  • BREAKING-NEWS உத்திரமேரூர் அரசு கலைக்கல்லூரியில் லாரி ஓட்டுநர்கள் போராட்டம் செய்துவருவதால் வாக்குப்பதிவு இயந்திரங்கள் கொண்டு செல்லும் பணி பாதிப்பு

காவிரி நீர்ப் பங்கீடு தொடர்பான வழக்கு: உச்சநீதிமன்றத்தில் இன்று விசாரணை

cauvery-water-sharing-case-today-hearing-in-supreme-court

தமிழகத்திற்கு 6 ஆயிரம் கன அடி வீதம் நீர் திறக்க வேண்டும் என்ற உத்தரவில் திருத்தம் கோரி கர்நாடக அரசு உச்சநீதிமன்றத்தில் மனு தாக்கல் செய்துள்ளது. இதனை எதிர்த்து தமிழக அரசும் மனு தாக்கல் செய்திருக்கிறது. இந்த மனுக்கள் காவிரி தொடர்பான பிரதான வழக்குடன் சேர்த்து இன்று விசாரணைக்கு வருகின்றன.

காவிரியில் இருந்து தமிழகத்திற்கு செப்டம்பர் 21-ஆம் தேதி முதல் 27-ஆம் தேதி விநாடிக்கு 6 ஆயிரம் கன அடி வீதம் தண்ணீர் திறக்க வேண்டும் என கர்நாடக அரசுக்கு கடந்த 20-ஆம் தேதி உச்சநீதிமன்றம் உத்தரவிட்டது.

இந்த உத்தரவை செயல்படுத்த இயலவில்லை என்றும், தீர்ப்பில் திருத்தம் கோரியும் கர்நாடக அரசு உச்சநீதிமன்றத்தில் மனு தாக்கல் செய்துள்ளது. கர்நாடகாவில் நிலவும் குடிநீர் பற்றாக்குறையை கருத்தில் கொண்டு நீர் திறக்கப்படவில்லை என மனுவில் குறிப்பிட்டுள்ள கர்நாடக அரசு, தற்போது திறக்கப்பட வேண்டிய நீரை டிசம்பர் இறுதிக்குள் அளிப்பதாகவும் மனுவில் தெரிவித்துள்ளது.

கர்நாடகாவின் இந்த மனுவுக்கு எதிராக தமிழக அரசு தாக்கல் செய்த மனுவில் காவிரியில் நீர் திறந்துவிட உச்சநீதிமன்றம் பிறப்பித்த உத்தரவுகளை கர்நாடக அரசு முறையாக பின்பற்றவில்லை என்று கூறியுள்ளது. மேலும் கர்நாடக அரசின் இடைக்கால மனுக்களை விசாரணைக்கு ஏற்றுக்கொள்ளக் கூடாது என்றும் தமிழக அரசு வலியுறுத்தியுள்ளது.

க‌டந்த 20-ஆம் தேதி காவிரி வழக்கை விசாரித்த உச்சநீதிமன்றம் 4 வாரத்திற்குள் காவிரி மேலாண்மை வாரியம் அமைக்க வேண்டும் எனவும், தமிழகத்திற்கு கர்நாடகா நீர் திறக்க வேண்டும் எனவும் உத்தரவிட்டு வழக்கை இன்றைய தினத்திற்கு ஒத்திவைத்தது. எனவே, இன்றைய வழக்கு விசாரணையின் போது இரு மாநில அரசுகளின் மனுக்களும் சேர்த்து விசாரிக்கப்படும் என தெரிகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close