[X] Close
JUST IN
  • BREAKING-NEWS ஏ.ஆர்.முருகதாஸ் இயக்கத்தில் விஜய் நடிக்கும் 62ஆவது படத்தின் பூஜை நாளை நடைபெறுகிறது
  • BREAKING-NEWS நான் இந்துக்களுக்கு எதிரானவன் அல்ல; மோடிக்கு எதிரானவன்: பிரகாஷ் ராஜ்
  • BREAKING-NEWS ஆண்டாள் விவகாரத்தில் வைரமுத்துவுக்கு ஆதரவாக ரஜினி இருந்திருக்க வேண்டும் - சீமான்
  • BREAKING-NEWS வைரமுத்துவை காரணம் காட்டி தமிழகத்திற்குள் கொல்லைப்புறமாக வர நினைத்தால் வர முடியாது - பாரதிராஜா
  • BREAKING-NEWS ஹெச். ராஜாவும், தமிழிசையும் இணைந்து மெர்சல் படத்தை சூப்பர் ஹிட் ஆக்கிவிட்டனர்- நடிகர் விஷால்
  • BREAKING-NEWS நடிகர் கமல், ரஜினி, விஷால் ஆகிய மூவரும் இணைந்து தேர்தலை சந்திக்க வேண்டும் - பிரகாஷ்ராஜ்
  • BREAKING-NEWS ஆண்டாள் சர்ச்சை தேவையற்றது- ஓ. பன்னீர் செல்வம்
  • BREAKING-NEWS ஒகி புயலால் காணாமல்போன மீனவர்களை தேடும்பணி நிறுத்தப்பட்டுள்ளது- அமைச்சர் நிர்மலா சீதாராமன்
  • BREAKING-NEWS வடலூர் வள்ளலார் தைப்பூச ஜோதி தரிசனத்தையொட்டி ஜன.31 இல் கடலூர் மாவட்டத்திற்கு உள்ளூர் விடுமுறை
  • BREAKING-NEWS நாகலாந்து, மேகாலாயா மாநிலங்களில் பிப்-27 ஆம் தேதியும், திரிபுரா மாநிலத்தில் பிப்-18 ஆம் தேதியும் சட்டப்பேரவை தேர்தல் நடைபெறும்- தேர்தல் ஆணையம்
  • BREAKING-NEWS ஜெ.சிகிச்சையின்போது உடன் இருந்த சசிகலாவுக்குத் தான் அனைத்து உண்மைகளும் தெரியும்- வைகோ
  • BREAKING-NEWS சிவகாசியில் பட்டாசு உற்பத்தியாளர்கள் தொடர்ந்து 24வது நாளாக காலவரையற்ற வேலை நிறுத்தப் போராட்டம்
  • BREAKING-NEWS டெல்லியில் இன்று காலை 10 மணிக்கு நடைபெறும் பட்ஜெட்டுக்கு முந்தைய கூட்டத்தில் ஓபிஎஸ் பங்கேற்கிறார்
  • BREAKING-NEWS கவிஞர் வைரமுத்து மன்னிப்பு கேட்க வேண்டும் என வலியுறுத்தி 2வது நாளாக ஸ்ரீவில்லிபுத்தூரில் தொடர் உண்ணாவிரத போராட்டம்
சுற்றுச்சூழல் / சுகாதாரம் 14 Dec, 2017 07:42 PM

கருக்கலைப்பு செய்ய அவதியுரும் பெண்கள்: ஆய்வில் திடுக்கிடும் தகவல்கள்

half-of-all-pregnancies-in-india-unintended-lancet-study

திட்டமிடப்படாத கருத்தரிப்பு, கருச்சிதைவு மற்றும் கருக்கலைப்பு குறித்து லேன்செட் குலோபல் ஹெல்த் நிறுவனம் வெளியிட்ட ஆய்வு முடிவில் பல திடுக்கிடும் உண்மைகள் வெளிவந்துள்ளன.

மருத்துவர்களின் ஆலோசனையின்றி பெண்கள் எடுத்துக் கொண்ட மருந்துகளால் இந்தியாவில் 2015 ஆம் ஆண்டு மட்டும் தோராயமாக 15.6 மில்லியன் கருச்சிதைகள் நடந்துள்ளன. 50 சதவீத கருத்தரிப்புகள் எதிர்பாராத விதமாகவே நிகழ்வதாக ஆய்வுகள் கூறுகின்றன. திட்டமிடப்படாத கருத்தரிப்பு, கருச்சிதைவு மற்றும் கருக்கலைப்பு குறித்து லேன்செட் குலோபல் ஹெல்த் நிறுவனம் வெளியிட்ட ஆய்வு முடிவில் பல திடுக்கிடும் உண்மைகள் வெளிவந்துள்ளன. 15 முதல் 49 வயதுடைய பெண்களில் 1000-ல் 47 பேருக்கு கருச்சிதை ஏற்படுகிறது. இந்த எண்ணிக்கை தெற்கு ஆசிய நாட்டு பெண்களுக்கு ஏற்படும் கருச்சிதைவு எண்ணிக்கைக்கு இணையாக உள்ளது.

அரசின் பொது சுகாதார மருத்துவமனைகளில் கருக்கலைப்பு செய்ய போதுமான வசதிகள் இல்லாததால், கருக்கலைப்பு செய்ய இந்தியப் பெண்கள் மிகுந்த சிரமத்திற்கு ஆளாகின்றனர் என்று நியூயார்க்கின் குட்மாசர் நிறுவன துணைத் தலைவர் மருத்துவர் சுசீலா சிங் கூறுகிறார். இந்தியாவில் 81 சதவீத கருக்கலைப்புகள், மாத்திரைகள் மூலமே நடப்பதாக ஆய்வு முடிவுகள் கூறுகின்றன. 19 சதவீத கருக்கலைப்புகளில் 14 சதவீத கருக்கலைப்புகள் அறுவைசிகிச்சை மூலம் நடைபெறுகின்றன. மீதமுள்ள 5 சதவீத கருக்கலைப்புகள், மருத்துவமனையில் அல்லாமல், பாதுகாப்பற்ற வேறு முறைகளில் செய்யப்படுவதாக ஆய்வு முடிவுகள் கூறுகின்றன.

2015 ஆம் ஆண்டின் கணக்குப்படி 48.1 மில்லியன் கருத்தரிப்புகளில், பாதிக்கு மேல் எதிர்பாராத விதமாக நிகழ்ந்ததாக ஆய்வில் தெரிய வந்துள்ளது. அதாவது கருத்தரிக்கவே கூடாது அல்லது குறிப்பிட்ட நேரத்தில் கருத்தரிக்க வேண்டாம் என்று நினைத்த பெண்கள் கருத்தரித்ததாக ஆய்வில் கண்டுபிடிக்கப்பட்டுள்ளது. இந்தியாவில் 2015 ஆம் ஆண்டில் 15 முதல் 49 வயதுடைய 1000 பெண்களில் 70 பேர் எதிர்பாராத விதமாக கருத்தரித்துள்ளனர். இந்த எண்ணிக்கை, வங்கதேசம், நேபாள், பாகிஸ்தான் ஆகிய அண்டை நாடுகளுடன் ஒப்பிட்டால் கிட்டத்தட்ட நெருக்கமாக உள்ளது.

இந்தியாவில் 1971 ஆம் ஆண்டு முதல் கருக்கலைப்பு சட்டப்பூர்வமாக்கப்பட்டுள்ளது. ஆனாலும், இதுவரை கருக்கலைப்பு குறித்த சரியான எண்ணிக்கையை எடுக்க முடியவில்லை என்று மும்பை உள்ள சர்வதேச மக்கள்தொகை அறிவியல் நிறுவன பேராசிரியர் டாக்டர் சந்திர சேகர் கூறுகிறார். மேலும், இந்தியாவில் நான்கில் ஒரு கருக்கலைப்பு மட்டுமே மருத்துவமனைகளில் நடப்பாதகவும் கூறுகிறார்.

இந்தியாவின் கிராமப்புற ஏழை பெண்களுக்கு அரசின் ஆரம்ப சுகாதார நிலையங்கள்தான் மருத்துவம் பார்க்கும் ஒரே இடம். அரசு சுகாதார நிலையங்களில் 25 சதவீத மையங்களில் மட்டுமே கருக்கலைப்பு செய்கின்றன. மீதமுள்ள மையங்களில் அந்த வசதிகள் இல்லாத சூழலே நிலவுகிறது. நான்கில் மூன்று கருக்கலைப்புகள் மாத்திரைகள் மூலம் நடப்பதாக ஆய்வாளர்கள் கூறுகின்றனர். உலக சுகாதார நிறுவனத்தின் வழிகாட்டு நெறிமுறைகளின் படி மருத்துவ முறையில் கருக்கலைப்பு செய்வது பாதுகாப்பானது என்று கூறப்பட்டுள்ளதாக ஆய்வாளர்கள் கூறிகின்றனர். 

கருத்தரித்து 9 வாரங்கள் வரை மருத்துவ முறையில் கருக்கலைப்பு செய்யலாம். அதாவது, மருத்துவமனையிலோ அல்லது மருத்துவரின் பரிந்துரைப்படி மாத்திரைகள் மூலம் கருக்கலைப்பு செய்யலாம் என்று மருத்துவ ஆய்வுகள் கூறுகின்றன. முறையான கருக்கலைப்பு மையங்களை அதிகமாக நிறுவுவதன் மூலமும், மருத்துவர்களுக்கு கருக்கலைப்பு குறித்து முறையான பயிற்சிகள் அளித்து, அதிகப்படியான கருக்கலைப்பு மருத்துவர்களை உருவாக்குதன் மூலம் கருக்கலைப்பு செய்வதில் இருக்கும் சிக்கல்களுக்கு தீர்வு காணலாம் என்று ஆய்வாளர்கள் கூறுகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close