[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.85 காசுகளாகவும், டீசல் லிட்டருக்கு ரூ. 69.41 காசுகளாகவும் விலை நிர்ணயம்
  • BREAKING-NEWS கோடநாடு விவகாரத்தில் தொடர்புடைய கூலிப்படையினருக்கு திமுகவை சேர்ந்த வழக்கறிஞர்கள் உதவுகின்றனர் - முதல்வர் பழனிசாமி
  • BREAKING-NEWS ஸ்டாலின் கனவில் வேண்டுமானால் முதலமைச்சராகலாம், எந்தக்காலத்திலும் முதல்வராக முடியாது - முதல்வர் பழனிசாமி
  • BREAKING-NEWS சசிகலாவிற்கு விதியை மீறி சிறப்பு வசதிகள் செய்து கொடுத்தவர்கள் தண்டிக்கப்பட வேண்டும் - பெங்களூரு சிறைத்துறை டிஐஜியாக பதவி வகித்த ரூபா ஐபிஎஸ் புதிய தலைமுறைக்கு பேட்டி
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்

சவுகார்பேட்டையில் தான் காற்று மாசு அதிகம்: மாசுக்கட்டுப்பாடு வாரியம் அறிக்கை

tn-pollution-board-statement

சென்னையில் வழக்கத்தை விட தீபாவளியின் போது காற்று மாசு அதிகரித்துள்ளதாகவும், சவுகார்பேட்டையில்தான் காற்று மாசு அதிகம் என்றும் மாசுக்கட்டுப்பாடு வாரியம் அறிக்கை வெளியிட்டுள்ளது.

தீபாவளிக் கொண்டாட்டம் குறித்து தமிழ்நாடு மாசுக்கட்டுபாடு வாரியம் நேற்று செய்திக்குறிப்பு வெளியிட்டிருந்தது. அதில் பொது இடத்தில் வெடி வெடிப்பதால் சுற்றுப்புறம் மாசடைவதாகவும், அதனால் பொதுச்சுகாதாரம் பாதிக்கப்படுவதாகவும் தெரிவித்திருந்தது. மேலும் வெடி வெடிப்பதால் ஏற்படும் புகையினால் சுவாசக்கோளாறு, மூச்சுத்திணறல், நுரையீரல் தொற்று உள்ளிட்ட நோய்கள் ஏற்படும் என்பதை கருத்தில் கொண்டு பொதுமக்கள் தீபாவளி கொண்டாட்டங்களில் ஈடுபட வேண்டும் எனவும் மாசுக்கட்டுபாடு வாரியம் வேண்டுகோள் விடுத்திருந்தது.

இந்நிலையில் தீபாவளி கொண்டாட்டத்திற்காக சென்னையில் வெடிக்கப்பட்ட பட்டாசுகளால் ஏற்பட்ட ஒலி மாசு குறித்த துல்லியமான அளவை இன்று மாசுக்கட்டுப்பாட்டு வாரியம் வெளியிட்டுள்ளது. இந்த அறிவிப்பில், சென்னையில் வழக்கத்தை விட தீபாவளியின் போது காற்று மாசு அதிகரித்துள்ளதாக கூறப்பட்டுள்ளது. சென்னையின் 5 இடங்களில் நடத்தப்பட்ட ஆய்வில், அதிகபட்சமாக 100 மைக்ரோ கிராம் இருக்க வேண்டிய நுண்துகள் சவுகார்பேட்டையில் தான் 777 ஆக உயர்ந்துள்ளதாக தெரிவிக்கப்பட்டுள்ளது. அத்துடன் திருவல்லிக்கேணியில் 597-ம், நுங்கம்பாக்கத்தில் 541-ம், தி.நகரில் 529 மைக்ரோ கிராமும் நுண்துகள் இருந்ததாக அறிக்கையில் குறிப்பிடப்பட்டுள்ளது.

இதேபோன்று அமெரிக்க தூதரகம் வெளியிட்டு தகவலில், சென்னை காற்றில் ஒரு கன மீட்டருக்கு 100 மைக்ரான் இருக்க வேண்டிய நுண்துகள் 158 ஆக இருந்துள்ளது என்று கூறப்பட்டுள்ளது. அமெரிக்க தூதரகத்தில் 158, மீனம்பாக்கத்தில் 123, தரமணியில் 127 என நுண்துகள் அளவு இருந்ததாகவும் தெரிவிக்கப்பட்டுள்ளது. அத்துடன் காற்று மாசு அதிகரித்திருப்பது சுவாச பிரச்சனையை ஏற்படுத்தும் எனவும் அமெரிக்க தூதரகம் கூறியுள்ளது.

Advertisement:
Advertisement:
Advertisement:
[X] Close