[X] Close
JUST IN
  • BREAKING-NEWS கஜா புயல் பாதிப்புக்கு பிரதமரை சந்தித்து நிவாரண நிதி கோர டெல்லி புறப்பட்டார் முதலமைச்சர் பழனிசாமி
  • BREAKING-NEWS ஓசூர் அருகே தம்பதி ஆணவக்கொலை செய்யப்பட்ட விவகாரத்தில் சூடுகொண்டப்பள்ளியில் நந்தீஷ் பெற்றோரிடம் எஸ்.சி., எஸ்.டி ஆணைய துணைத்தலைவர் முருகன் விசாரணை
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை

மாரடைப்பு அறிகுறிகளைக் கவனியுங்கள்... அபாயத்தைத் தவிர்த்திடுங்கள்

symptoms-of-heart-attack

உலகில் பெரும்பாலான மனிதர்களின் மரணத்திற்கு காரணம் மாரடைப்புதான். மாரடைப்பு திடீரென்று ஏற்பட்டு திடீர் மரணத்தை ஏற்படுத்துவதாகத்தான் நம்மில்பெ ரும்பாலானோர் நினைத்துக் கொண்டிருக்கிறோம். ஆனால் மாரடைப்பு வருவதை முன்கூட்டியே அறியலாம் என்கிறார்கள் மருத்துவர்கள். ஒரு மாதத்திற்கு முன்பே அதற்கான அறிகுறிகள் தோன்றிவிடும் என்கிறார்கள். பின்வரும் அந்த அறிகுறிகள் தெரிந்த உடன் மருத்துவரை அணுகுவது அவசியம்:

அதிகப்படியான சோர்வு

நீங்கள் எந்தவொரு வேலையும் செய்யாமல் இருக்கும்போதும் கூட உடல் முழுக்க சோர்வாக காணப்படுகிறதா? ஒரு நீண்ட நேர நல்ல தூக்கத்திற்கு பின்பும் உடல் முழுவதும் சோர்வாக உணர்கிறீர்களா? களைப்பாகவும் மறுபடியும் தூங்க வேண்டும் என்ற எண்ணமும் வருகிறதா? இது மாரடைப்பிற்கான அறிகுறியாக இருக்கலாம்.

தூக்கப் பிரச்னை

நீங்கள் இரவில் தூங்கிக் கொண்டிருக்கும் போது உங்களாலே உங்கள் தூக்கம் தடைபடுகிறது என்றால் உடனடியாக மருத்துரை அணுகுங்கள். உங்களுக்கு தேவையே இல்லாத நேரத்தில் கூட தூக்கத்தில் எழும்பி அடிக்கடி பாத்ரூம் செல்கிறீர்கள். இல்லையென்றால் பசி எடுப்பபது போல் உணர்கிறீர்கள் என்றால் சற்று கவனமுடன் இருங்கள்.

சுவாச பிரச்னை

உங்களால் எந்தவித சிரமும் இன்றி மூச்சு விட முடிகிறதா? ஆம் என்றால் உங்களுக்கு பிரச்னை இல்லை. அதுவே மூச்சுவிடவே கஷ்டமாக உணர்ந்தால் மருத்துவரை உடனே சென்று பாருங்கள்.

மார்பில் வலி

உங்கள் மார்பில் அடிக்கடி வலி ஏற்பட்டால் அது மாரடைப்பிற்கான அறிகுறியாக கூட இருக்கலாம். அதுமட்டுமின்றி நெஞ்சு எரிவது போல் அடிக்கடி தோன்றினாலும், பிரச்னை சிறியது என்று நினைக்காமல் மருத்துவரை பாருங்கள். அஜீரணக் கோளாறு இருந்தாலும் லேசாக விட்டுவிடாதீர்கள்.

பலவீனம்

உங்களின் இதயத்திற்கு போதுமான ஆக்ஸிஜன் கிடைக்காத பட்சத்தில் உங்களின் முதுகெலும்புகளில் வலி ஏற்படும். அப்போது உங்களின் இதயம், முதுகெலும்பு, கைகளோடு தொடர்புடைய நரம்புகள் பாதிப்படையும். இதனால் உங்கள் உடல் பலவீனம் அடையும். இது மாரடைப்புக்கு இட்டுச் செல்லலாம். எச்சரிக்கையாக இருங்கள்.

Advertisement:
Advertisement:
Advertisement:
[X] Close