[X] Close
JUST IN
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு

வருமான வரி விகிதங்களில் விரைவில் மாற்றம்?

new-income-tax-slabs-here-are-5-rates-proposed-to-govt-says-report

நடுத்தர மக்கள் பயன்பெறும் வகையில் வருமான வரி செலுத்தும் விகிதங்களை மாற்றுவதற்கான பரிந்துரை அரசுக்கு அளிக்கப்பட்டிருக்கிறது.

நேரடி வருமான வரி விகிதங்களை மாற்றுவது தொடர்பாக கடந்த 2017-ஆம் ஆண்டு அமைக்கப்பட்ட அகிலேஷ் ரஞ்சன் தலைமையிலான குழு, பல்வேறு அம்சங்களை ஆய்வு செய்து அறிக்கை தாக்கல் செய்துள்ளது. அதில் இடம்பெற்றுள்ள முக்கிய விவரங்கள் தற்போது வெளியாகியுள்ளன. அதன்படி நடுத்தர மக்கள் பயன் அடையும் வகையில் வருமான வரி விகிதங்கள் குறைக்கப்பட்டு இருப்பதாக தெரியவந்துள்ளது.

தற்போது 2.5 லட்சம் ரூபாய் முதல் 5 லட்சம் ரூபாய் வரை ஆண்டு வருமானம் உள்ளவர்களுக்கு 5 சதவிகிதம் வரி விதிக்கப்படுகிறது. 5 லட்சம் ரூபாய் முதல் 10 லட்சம் ரூபாய் வரை வருமானம் உள்ளவர்களுக்கு 20 சதவிகிதமும், பத்து லட்சம் ரூபாய்க்கு மேல் ஆண்டு வருமானம் உள்ளவர்களுக்கு 30 சதவிகிதமும் வரி விதிக்கப்படுகிறது. இந்த வரி விகித அமைப்பு மூலம் தற்போது 5, 20, 30 ஆகிய மூன்று சதவிகிதங்களில் நேரடி வருமான வரி விகிக்கப்படுகிறது.

ஆனால் இந்த நடைமுறையை 5 வித வரி கட்டமைப்பு கொண்டதாக மாற்ற அகிலேஷ் ரஞ்சன் தலைமையிலான குழு பரிந்துரைத்துள்ளது. அதன்படி ஐந்து லட்சம் ரூபாய் வரை ஆண்டு வருமானம் உள்ளவர்களுக்கு வரி விலக்கு அளிக்கலாம் என்று பரிந்துரைக்கப்பட்டுள்ளது. 5 லட்சம் ரூபாய் முதல் 10 லட்சம் ரூபாய் வரை வருமானம் உள்ளவர்களுக்கு 20 சதவிகிதத்திற்கு பதில் 10 சதவிகிதம் வரி விதிக்கலாம் என்று பரிந்துரைக்கப்பட்டுள்ளது.

அதுபோல பத்து லட்சம் ரூபாய் முதல் 20 லட்சம் ரூபாய் வரை வருமானம் உள்ளவர்களுக்கு 30 சதவிகிதத்திற்கு பதில் 20 சதவிகிதம் வரி விதிக்க பரிந்துரைக்கப்பட்டுள்ளது. புதிய பரிந்துரைகளின்படி வருமான வரி விகிதங்கள் அதிரடியாக குறைக்கப்பட்டால் மத்திய அரசுக்கு வரி வருவாயில் சுமார் 50 ஆயிரம் கோடி ரூபாய் வரை குறையும் என்று கணிக்கப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close