[X] Close
JUST IN
  • BREAKING-NEWS தமிழகத்தின் 3 இடங்கள் உட்பட நாட்டின் 32 இடங்களில் ஹைட்ரோ கார்பன் எடுக்கும் திட்டத்திற்கு ஒப்பந்தம்
  • BREAKING-NEWS கொடைக்கானலில் ரூ.20 கோடியில் அடுக்குமாடி வாகன நிறுத்துமிடம் அமைக்கப்படும் அரசு போக்குவரத்துக் கழகங்களில் சோதனை முறையில் பொது இயக்கப்பயண அட்டை அறிமுகப்படுத்தப்படும் - போக்குவரத்துத்துறையில் புதிய அறிவிப்புகளை பேரவையில் அமைச்சர் எம்.ஆர். விஜயபாஸ்கர் வெளியிட்டார்
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு

புதிய உச்சத்தை தொட்டது தங்கத்தின் விலை- சவரன் 26,424 ரூபாய்

gold-rate-increased

தங்கத்தின் விலை கடந்த ஒரு வாரமாக உயர்ந்து வரும் நிலையில் இன்று மேலும் உயர்ந்து புதிய உச்சத்தை தொட்டுள்ளது.

அன்றிலிருந்து இன்றுவரை என்றுமே மவுசு குறையாமல் காணப்படுவது தங்கம். இதன் விலை கடந்த ஒரு வாரமாக உயர்ந்து கொண்டே வருகிறது. கடந்த 17-ஆம் தேதி ஒரு கிராம் ஆபரணத் தங்கத்தின் விலை ரூ.3,132-க்கும், ஒரு சவரன் ரூ.25,056-க்கும் விற்பனை ஆனது. ஆனால் ஜனவரி 22-ஆம் தேதி அதாவது வெறும் ஐந்து நாட்களில் ஒரு சவரன் ஆபரணத் தங்கம் ஆயிரம் ரூபாய் அதிகரித்து ரூ.26,072-க்கு விற்பனை ஆனது. அதன்பிறகாவது தங்கத்தின் விலை குறையுமா எனக் காத்திருந்த வாடிக்கையாளர்களுக்கு அதிர்ச்சியாக இருக்கிறது தங்கத்தின் தொடர் விலையேற்றம்.

நேற்றைய விலையை விட இன்று ஒரு கிராம் ஆபரணத் தங்கம் 38 ரூபாய் விலை அதிகரித்து 3,303-க்கு விற்பனையாகிறது. இன்று ஒரு சவரன் ஆபரணத் தங்கத்தின் விலை ரூ.26,424 ஆகும். அதாவது ஒரு வாரத்தில் ஒரு சவரன் ஆபரணத் தங்கத்தின் விலை கிட்டத்தட்ட 1,500 ரூபாய் அதிகரித்துள்ளது.

இதனால் பெண் பிள்ளைகளை வைத்திருப்பவர்கள், நகை வாங்க பணம் சேர்ப்பவர்கள் என எல்லோருமே அதிர்ச்சியாகி இருக்கின்றனர். இனிமேலாவது தங்கத்தின் விலை குறையுமா என்ற ஏக்கத்தில் அவர்கள் உள்ளனர். சர்வதேச சந்தை நிலவரம், தங்கத்தின் மீதான தேவை அதிகரிப்பு உள்ளிட்ட பல்வேறு காரணங்களால் தங்கத்தின் விலை தொடர்ச்சியாக அதிகரித்துள்ளதாக கூறப்படுகிறது.

Advertisement:
Advertisement:
Advertisement:
[X] Close