[X] Close
JUST IN
  • BREAKING-NEWS தேர்தல் விதிகளை மீறியதாக தமிழக காங்கிரஸ் கமிட்டி தலைவர் கே.எஸ்.அழகிரி மீது 3 பிரிவுகளின் கீழ் வழக்குப்பதிவு
  • BREAKING-NEWS இடைத்தேர்தல் தேர்தலில் நாங்குநேரி - 66.10%, விக்கிரவாண்டி - 84.36% வாக்குப்பதிவு - தலைமை தேர்தல் அதிகாரி சத்யபிரதா சாஹூ
  • BREAKING-NEWS தொடர் மழை காரணமாக நீலகிரி மாவட்டத்தில் உள்ள பள்ளி, கல்லூரிகளுக்கு நாளை விடுமுறை அறிவிப்பு - ஆட்சியர்
  • BREAKING-NEWS தீபாவளிக்கு மறுநாள் அக்.28ஆம் தேதி (திங்கள் கிழமை) அரசு விடுமுறை

“இந்தியாவின் பொருளாதார வளர்ச்சி 7.5% ஆக இருக்கும்”- உலக வங்கி கணிப்பு

global-growth-to-slow-in-2019-says-world-bank

இந்தியாவின் பொருளாதார வளர்ச்சி 7.5% ஆக இருக்கும் என உலக வங்கி தனது அறிக்கையில் கணித்துள்ளது. 

பொருளாதாரம் தொடர்பாக உலக வங்கி  ‘Global Economic prospects’ என்ற அறிக்கையை வெளியிட்டுள்ளது. அதில், 2019ஆம் ஆண்டில் உலக பொருளாதார வளர்ச்சி 2.6% ஆக இருக்கும் எனக் கணித்துள்ளது. அதேபோல 2020-ஆம் ஆண்டில் உலக பொருளாதார வளர்ச்சி 2.7% ஆக இருக்கும் எனத் தெரிவித்துள்ளது. அத்துடன் இந்த அறிக்கை, இந்தியாவின் பொருளாதார வளர்ச்சி அடுத்த மூன்று ஆண்டுகளுக்கு 7.5 சதவிகிதத்தில் நீடிக்கும் எனத் தெரிவித்துள்ளது. அதாவது 2019, 2020, 2021 ஆகிய ஆண்டுகளில் இந்திய பொருளாதார வளர்ச்சி 7.5% ஆக இருக்கும் என்று கணித்துள்ளது. 

ஆனால் 2018-ஆம் ஆண்டிற்கான இந்திய பொருளாதார வளர்ச்சி 7.2% இருந்தது என்று அறிக்கை காட்டியுள்ளது. உலக பொருளாதாரத்தில் நிலவும் குறைவான வளர்ச்சிக்கு பல காரணங்களையும் இந்த அறிக்கை சுட்டிக்காட்டியுள்ளது. அதன்படி உலகளவில் நிலவும் வர்த்தக தடைகள், நாடுகளின் கடன் சுமைகள் மற்றும் பல வளர்ந்து வரும் நாடுகளில் நிலவும் பொருளாதார சூழல் ஆகியவற்றை காரணமாக அறிக்கை கூறியுள்ளது.

இந்தியாவை பொருத்தவரை 2018ஆம் ஆண்டு இறுதி காலாண்டில் ஏற்பட்ட பொருளாதார சூழல் இந்திய பொருளாதாரத்தின் வளர்ச்சியை குறைத்தது. அத்துடன் தேர்தல் நேரம் மற்றும் வங்கிகளிடமிருந்த வாராக்கடன் சுமை ஆகியவை பொருளாதார வளர்ச்சிக்கு முட்டுக்கட்டை போட்டதாக தெரிவிக்கப்பட்டுள்ளது. தற்போது தேர்தலுக்கு பிறகு இந்தியாவில் நிலவும் சூழ்நிலை மற்றும் பண கொள்கை பொருளாதார வளர்ச்சி உயர ஏதுவானதாக இருக்கும் என்று அறிக்கை கூறியுள்ளது. 
 

Advertisement:
இது தொடர்பான செய்திகள் :
Advertisement:
Advertisement:
[X] Close