[X] Close
JUST IN
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்

வரலாறு காணாத அளவிற்கு உயர்ந்தது தங்‌கத்தின் விலை

gold-prices-today-rise-to-7-year-high

தங்‌கத்தின் விலை வரலாறு காணாத அளவிற்கு அதிகரித்துள்ளது. கடந்த 2012-ஆம் ஆண்டில் அதிகபட்ச விலைக்கு விற்பனையான தங்கம் தற்போது அந்த உச்சத்தையும் கடந்துள்ளது.

சென்னையில் இன்று 22 காரட் ஆபரணத் தங்கம் ஒரு கிராம் 25 ரூபாய் விலை அதிகரித்து 3,076 ரூபாய்க்கும், ஒரு சவரன் 200 ரூபாய் விலை ஏற்றம் கண்டு 24,582 ரூபாய்க்கும் விற்பனை செய்யப்படுகிறது.

கடந்த 2012-ஆம் ஆண்டு நவம்பர் மாதத்தில் 22 காரட் ஆபரணத் தங்கம் ஒரு கிராமின் விலை 3,068 ரூபாயாக இருந்தது. இதுவே கடந்த 7 ஆண்டுகளில் தங்கம் கண்ட அதிகபட்ச விலையாக இருந்து வந்தது. பின்னர் அதன் விலை ஏற்ற இறக்கங்களுடன் காணப்பட்ட நிலையில், 2016-ஆம் ஆண்டு ஜனவரியில் அது 2,402 ஆக சரிந்தது. இதுவே கடந்த 7 ஆண்டுகளில் தங்கத்தின் குறைந்த பட்ச விலையாகும். இடைப்பட்ட 4 ஆண்டுகளில் தங்கம் விலை கிராமுக்கு 666‌ ரூபாய் குறைந்திருந்தது.

ஆனால் இதன் பின் தங்கம் விலை சில இறக்கங்களை தவிர்த்து பெரும்பாலும் ஏறுமுகமாகவே இருந்தது. இந்நிலையில் தற்போது அதன் விலை முன் எப்போதும் இல்லாதவகையில் கிராமுக்கு 3,076 ரூபாயை எட்டியுள்ளது. அதாவது கடந்த 3 ஆண்டுகளில் மட்டும் தங்கம் விலை கிராமுக்கு 673 ரூபாய் அதிகரித்துள்ளது.

நாடு முழுவதும் திருமண சீசன் தொடங்கவுள்ள நிலையில் தங்கத்தின் தேவை வெகுவாக அதிகரித்துள்ளதாகவும் அதன் விலை கடுமையாக அதிகரிக்க இதுவே முக்கிய காரணம் என்றும் சந்தை நிபுணர்கள் தெரிவிக்கின்றனர். இது தவிர சர்வதேச சந்தை சூழல்களும் தங்கத்தின் விலை உயர மற்றொரு காரணம் என அவர்கள் தெரிவிக்கின்றனர்.

Advertisement:
Advertisement:
Advertisement:
[X] Close