[X] Close
JUST IN
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்

கச்சா எண்ணெய் விலை கடும் வீழ்ச்சி : பெட்ரோல், டீசல் விலை குறைய வாய்ப்பு ?

the-crude-oil-prices-have-fall-down-so-price-of-petrol-and-diesel-will-decrease-significantly

சர்வதேச சந்தையில் கச்சா எண்ணெய் விலை கடந்த 13 மாதங்களில் இல்லாத அளவுக்கு சரிவு ஏற்பட்டு வீழ்ச்சி கண்டுள்ளது. இதனால் பெட்ரோல், டீசல் விலை கணிசமாக குறைய வாய்ப்பு உள்ளது.

ஐரோப்பிய சந்தையில் Brent கச்சா எண்ணெய் விலை ஒரே நாளில் 5 சதவிகிதம் குறைந்து 59 டாலராக இருந்தது. சமீப ஆண்டுகளில் கச்சா எண்ணெய் ஒரே நாளில் இவ்வளவு அதிக விலை வீழ்ச்சியை சந்தித்திருப்பது இதுவே முதல் முறை. கடந்த 13 மாதங்களில் இல்லாத அளவு கச்சா எண்ணெய் விலை வீழ்ச்சி அடைந்துள்ளது. கச்சா எண்ணெய் உற்பத்தி அதிகரித்துள்ள அதே வேளையில் அதை பயன்படுத்தும் அளவுக்கு பல்வேறு நாடுகளின் பொருளாதார வளர்ச்சி இருக்காது என வெளியான தகவல்களே விலை வீழ்ச்சிக்கு காரணம் என தெரியவந்துள்ளது.

சர்வதேச சந்தையில் கச்சா எண்ணெய் விலை ஒரே நாளில் 5% வீழ்ச்சியடைந்ததால் கச்சா எண்ணெய் உற்பத்தியை குறைத்து அதன் விலை வீழ்ச்சியை கட்டுக்குள் வைப்பது குறித்து ஓபெக் எனப்படும் எண்ணெய் வள நாடுகள் டிசம்பர் 6-ம் தேதி முடிவு செய்ய உள்ளது. அதுவரை விலை வீழ்ச்சி தொடரும் என எதிர்பார்க்கப்படுகிறது. அமெரிக்கா டாலருக்கு நிகரான இந்திய ரூபாய் மதிப்பும் தொடர்ந்து அதிகரித்து வருவதால் பெட்ரோல், டீசல் விலை ‌ஒரு மாதத்திற்கும் மேலாக இறங்கு முகத்திலேயே காணப்படுகிறது. 


சென்னையில் கடந்த 39 நாட்களில் பெட்ரோல் லிட்டருக்கு 7 ரூபாய் 98 காசுகளும், டீசல் லிட்டருக்கு 5 ரூபாய் 91 காசுகளும் விலை குறைந்துள்ளது குறிப்பிடத்தக்கது. கச்சா எண்ணெய் விலை சரிவின் எதிரொலி காரணங்களால் பெட்ரோல், டீசல் விலை மேலும் குறையும் எனவும் எதிர்பார்க்கப்படுகிறது. கச்சா எண்ணெய் விலை வீழ்ச்சி தொடர்தால் சர்வதேச சந்தையில் பொருளாதார வளர்ச்சி குறைத்து, பெட்ரோல், டீசல் விலை கணிசமாக குறைய வாய்ப்பு அதிகம் என தகவல் தெரிவிக்கின்றன.

Advertisement:
இது தொடர்பான செய்திகள் :
Advertisement:
Advertisement:
[X] Close