[X] Close
JUST IN
  • BREAKING-NEWS கேரள வெள்ளச்சேதத்தை தேசியப் பேரிடராக அறிவிக்க வேண்டும்- ராகுல்
  • BREAKING-NEWS 18-வது ஆசிய விளையாட்டு போட்டி இன்று தொடங்குகிறது
  • BREAKING-NEWS பாகிஸ்தான் பிரதமராக தெஹ்ரிக்-இ-இன்சாஃப் கட்சித் தலைவர் இம்ரான்கான் தேர்வு செய்யப்பட்டுள்ளார்
  • BREAKING-NEWS கேரளாவில் கனமழை, வெள்ளம், நிலச்சரிவில் சிக்கி உயிரிழந்தவர்களின் எண்ணிக்கை 324ஆக உயர்வு
  • BREAKING-NEWS டெல்லி ஸ்மிருதி ஸ்தலில் முன்னாள் பிரதமர் வாஜ்பாயின் உடல் அரசு மரியாதையுடன் தகனம் செய்யப்பட்டது
  • BREAKING-NEWS வெள்ளப் பெருக்கு பாதிப்பு: தமிழகத்தில் ஆங்காங்கே போக்குவரத்து துண்டிப்பு
  • BREAKING-NEWS கொச்சி விமான நிலையம் மூடல்

முதலீடுகளை ஈர்க்கும் மாநிலங்களில் தமிழகத்திற்கு 2-வது இடம்; குஜராத்திற்கு பின்னடைவு

delhi-tn-gujarat-are-best-states-for-doing-business-ncaer-study

முதலீடுகளை ஈர்க்கும் மாநிலங்களின் பட்டியலில் தமிழ்நாடு 6-ஆவது இடத்திலிருந்து 2-ஆவது இடத்திற்கு முன்னேறியுள்ளது. அதேசமயம் குஜராத் முன்பை விட தற்போது பின்தங்கியுள்ளது.

இந்தியாவில் எந்தெந்த மாநிலங்கள் முதலீடுகளை ஈர்ப்பதில் சிறப்பாக விளங்குகிறது என்பது தொடர்பான ஆய்வறிக்கையை தேசிய பொருளாதார ஆராய்ச்சி நிறுவனம் எனப்படும் என்சிஏஈஆர் (NCAER) வெளியிட்டுள்ளது. இதில் முதலீட்டாளர்களுக்கு மிகவும் ஏற்ற மாநிலமாக டெல்லி இருப்பதாக கூறப்பட்டுள்ளது. கடந்த முறை இரண்டாம் இடத்தில் இருந்த டெல்லி தற்போது முதலிடத்திற்கு முன்னேறியுள்ளது. இந்த பட்டியலில் தமிழகத்திற்கு இரண்டாம் இடம் கிடைத்துள்ளது. தமிழகம் ஏற்கனவே இருந்த 6-வது இடத்திலிருந்து 4 இடங்கள் முன்னேற்றம் கண்டு 2-வது இடத்திற்கு வந்துள்ளது. அதேசமயம் ஏற்கனவே முதலிடத்தில் இருந்த குஜராத் இரண்டு இடங்கள் பின்தங்கி மூன்றாம் இடத்திற்கு சென்றுள்ளது.

இந்த பட்டியலில் மேற்கு வங்க மாநிலம் அதிகப்படியாக 11 இடங்கள் முன்னேற்றம் கண்டு 10-வது இடத்திற்கு முன்னேறியுள்ளது. அதேசமயம் ஆந்திரப் பிரதேச மாநிலம் 3-வது இடத்திலிருந்து 7-வது இடத்திற்கு பின்தங்கியுள்ளது. இந்த பட்டியலில் ஹரியானா 4-வது இடத்திலும், மகாராஷ்டிரா 5-வது இடத்திலும், கேரளா 6-வது இடத்திலும் உள்ளது. மாநிலத்தில் தொழில் செய்வதற்கான கட்டமைப்பு உள்ளிட்ட பல்வேறு விஷயங்களை வைத்து என்சிஏஈஆர் இந்த அறிக்கையை வெளியிட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close