[X] Close
JUST IN
  • BREAKING-NEWS கோவை: செட்டிபாளையத்தில் ஜல்லிக்கட்டு போட்டியை அமைச்சர் எஸ்.பி.வேலுமணி தொடங்கி வைத்தார்; ஜல்லிக்கட்டில் 700க்கும் மேற்பட்ட காளைகள், 600க்கும் மேற்பட்ட மாடுபிடி வீரர்கள் பங்கேற்பு
  • BREAKING-NEWS சென்னையில் பெட்ரோல் லிட்டருக்கு ரூ. 73.28 காசுகளாகவும், டீசல் லிட்டருக்கு ரூ. 69.57 காசுகளாகவும் விலை நிர்ணயம்
  • BREAKING-NEWS புல்வாமா தாக்குதலை தொடர்ந்து டெல்லியில் உள்துறை அமைச்சர் ராஜ்நாத் சிங் தலைமையில் நாளை அனைத்துக் கட்சி கூட்டம் நடைபெறுகிறது
  • BREAKING-NEWS தமிழகத்தில் மார்ச் 10ம் தேதி தீவிர போலியோ சொட்டு மருந்து முகாம் நடைபெறும்
  • BREAKING-NEWS புல்வாமா பயங்கரவாத தாக்குதலை தொடர்ந்து பாகிஸ்தானில் உள்ள இந்திய தூதர் டெல்லி திரும்ப மத்திய அரசு உத்தரவு
  • BREAKING-NEWS புல்வாமா பயங்கரவாத தாக்குதலுக்கு பாகிஸ்தான் பதில் சொல்லியே ஆக வேண்டும்; சரியான, உறுதியான பதிலடி கொடுக்கப்படும் - மத்திய அமைச்சர் நிதின் கட்கரி

ஜியோவிற்கு போட்டியாக ஏர்டெல்லின் அதிரடி ஆஃபர்

battle-of-telcos-airtel-counters-jio-offers-free-data-for-three-months

முகேஷ் அம்பானி தலைமையிலான ரிலையன்ஸ் ஜியோ நிறுவனம், ஆரம்பிக்கப்பட்ட, ஒரு மாதத்திற்குள்ளாக 16 லட்சம் வாடிக்கையாளர்களை பெற்றுள்ளது. இதனால் இந்தியாவின் மிகப்பெரிய தொலைத்தொடர்பு நிறுவனமான ஏர்டெல், கேபிள் வழியான பிராட்பேண்ட் இணைய சேவையில், அழைப்புக்கட்டணம், மற்றும் டேட்டா கட்டணத்தை அதிரடியாக குறைத்துள்ளது.

ரிலையன்ஸ் ஜியோ நிறுவனம், அதிவேக வயர்லெஸ் இணைய சேவையில் அளவில்லா டேட்டாக்கள் மற்றும் அழைப்புகளை இலவசமாக வழங்கி வருகிறது. இந்த சேவை வரும் டிசம்பரில் முடிவடையவுள்ள நிலையில் காலக்கெடு நீட்டிக்கப்படலாம் என்று எதிர்பார்க்கப்படுகிறது. இதனால் போட்டி நிறுவனமான ஏர்டெல், புதிய வாடிக்கையாளர்களை கவரும் விதமாக, 3 மாதங்களுக்கு அளவில்லா டேட்டாக்களை(unlimited data) இலவசமாக வழங்குகிறது.

போட்டி நிறைந்த தொலைத்தொடர்பு சேவையில், தொழில்நுட்பங்களை அதிகரித்து இணைய வேகத்தை அதிகரிப்பதன் மூலம் வாடிக்கையாளர்களை தக்க வைக்க முடியும் என்று ஏர்டெல் நிறுவனம் நம்புகிறது. இதற்காக 60 ஆயிரம் கோடி ரூபாய் செலவில், vectorisation என்ற தொழில்நுட்பம் மூலம் பிராண்ட்பேட் வேகத்தை 100 எம்பிபிஎஸ் வரை அதிகரிக்கும் (உள்கட்டமைப்பில் மாற்றம் செய்யாமல்) திட்டத்தை செயல்படுத்தியுள்ளது. இதற்காக வாடிக்கையாளர்களின் வீடுகளில் 1000 ரூபாயில் (ஒரு முறை முதலீடு) மோடத்தை மாற்றித்தருகிறது. இந்த தொழில்நுட்பம் மூலம் 5 லட்சம் வாடிக்கையாளர்கள் பயன்படுத்தி வருகிறார்கள். இந்தியாவில் ஸ்மார்ட் டிவிகளை அதிக மக்கள் வாங்க ஆரம்பித்துவிட்டதால், டேட்டாக்கள் பயன்பாடு அதிகரித்துவிட்டது. அதிக இண்டர்நெட் வேகம் கொண்ட வை-பை டிவைஸ்களை வாங்கி பயன்படுத்துகின்றனர். அதற்கு அதிக கட்டணம் செலவழிக்கும் நிலை உள்ளது. எனவே அதற்கு மாற்றாக ஏர்டெல் நிறுவனம் பைபர் கேபிள் மூலம் இண்டர்நெட் வேகத்தை அதிகரித்து, வாடிக்கையாளர்களை ஈர்க்கும் பணியில் ஈடுபட்டு வருகிறது. அதே நேரத்தில், ஐடியா உள்பட மற்ற தொலைத்தொடர்பு நிறுவனங்கள் வயர்லஸ் இண்டர்நெட் சேவையில் அதிக கவனத்தை செலுத்துகின்றன.

போட்டிகள் அதிகரித்துள்ளதையடுத்து, ஏர்டெல் நிறுவனம் மை ஹோம் பிளான் படி பிராட்பேண்ட் வாடிக்கையாளர்களுக்கு (போஸ்ட் பேய்ட் மற்றும் டிடிஹெச் வாடிக்கையாளர்களும்) ஐந்து ஜிபி எக்ஸ்ட்ரா டேட்டா வழங்குவது குறிப்பிடத்தக்கது

Advertisement:
Advertisement:
Advertisement:
[X] Close