உற்பத்தி குறைவு எதிரொலி... ஒன்றரை ஆண்டுகளில் இல்லாத அளவிற்கு பொருளாதார வளர்ச்சி விகிதம் வீழ்ச்சி

நாட்டின் பொருளாதார வளர்ச்சி விகிதம் ஏப்ரல் முதல் ஜூன் மாதம் வரையிலான காலாண்டில் 7.1% ஆக வீழ்ச்சியடைந்துள்ளது. இது கடந்த ஒன்றரை ஆண்டுகளில் இல்லாத குறைந்த ‌அளவாகும். மத்திய நிதியமைச்சகம் வெளியிட்டுள்ள புள்ளிவிவரங்களில் இது தெரியவந்துள்ளது.

விவசாயம், கட்டுமானத் துறை,‌சுரங்கம் ஆகிய துறைகளில் உற்பத்தி கணிசமாக குறைந்ததே ஒட்டுமொத்த பொருளாதார வளர்ச்சி குறைய காரணம் என்றும் அரசு தெரிவித்துள்ளது. எனினும் பருவமழையின் அளவு திருப்திகரமாக இருப்பதும் 7வது ஊதியக் குழு அறிக்கை அமலாக்கமும் இந்த நிதியாண்டில் வளர்ச்சி விகிதத்தை 8 சதவிகிதம் என்ற அளவுக்கு இட்டுச் செல்லும் என நிதியமைச்சகம் நம்பிக்கை தெரிவித்துள்ளது. இதற்கிடையில் ஏப்ரல் முதல் ஜூன் வரையிலான காலாண்டில் மத்திய அரசின் கடன் 58 லட்சத்து 94 ஆயிரம் கோடி ரூபாயாக அதிகரித்துள்ளதாகவும் தெரிவிக்கப்பட்டுள்ளது.