[X] Close
JUST IN
  • BREAKING-NEWS தேர்தல் விதிகளை மீறியதாக தமிழக காங்கிரஸ் கமிட்டி தலைவர் கே.எஸ்.அழகிரி மீது 3 பிரிவுகளின் கீழ் வழக்குப்பதிவு
  • BREAKING-NEWS இடைத்தேர்தல் தேர்தலில் நாங்குநேரி - 66.10%, விக்கிரவாண்டி - 84.36% வாக்குப்பதிவு - தலைமை தேர்தல் அதிகாரி சத்யபிரதா சாஹூ
  • BREAKING-NEWS தொடர் மழை காரணமாக நீலகிரி மாவட்டத்தில் உள்ள பள்ளி, கல்லூரிகளுக்கு நாளை விடுமுறை அறிவிப்பு - ஆட்சியர்
  • BREAKING-NEWS தீபாவளிக்கு மறுநாள் அக்.28ஆம் தேதி (திங்கள் கிழமை) அரசு விடுமுறை

மோடி பதவியேற்பு விழாவில் பங்கேற்க கமலுக்கு அழைப்பு கொடுக்கப்பட்டதா?

who-created-the-rumour-that-kamalhasan-was-invited-asks-bjp

மோடி பதவியேற்பு விழாவில் பங்கேற்க மக்கள் நீதி மய்யம் தலைவர் கமல் ஹாசனுக்கு அழைப்பு விடுக்கப்பட்டுள்ளதாக வெளியான செய்தியை பாஜக மறுத்துள்ளது.

மக்களவைத் தேர்தலில், பாஜக தலைமையிலான தேசிய ஜனநாயகக் கூட்டணி 352 இடங்களில் வெற்றி பெற்றது. பாஜக மட்டும் 303 இடங்களில் வெற்றி பெற்று தனி மெஜாரிட்டியுடன் ஆட்சி அமைக்கிறது. மோடி இரண்டாவது முறையாக பிரதமர் பதவி ஏற்கிறார். இந்த பதவியேற்பு விழா  நாளை மாலை 7 மணிக்கு ராஷ்ட்ரபதி பவனில் நடக்கிறது. இதில் நம் நாட்டு அரசியல் கட்சி தலைவர்களுடன் சில வெளிநாட்டு தலைவர்களும் கலந்து கொள்ள இருப்பதாகக் கூறப்படுகிறது.

இந்நிலையில் இந்தப் பதவியேற்பு விழாவில் கலந்து கொள்ள, நடிகர் ரஜினிகாந்துக்கு அழைப்பு விடுக்கப்பட்டது. ரஜினியும், விழாவில் கலந்துகொள்வதாக தெரிவித்துள்ளார். அதே போல் மக்கள் நீதி மய்யம் கட்சியின் தலைவர் கமல்ஹாசனுக்கும் அழைப்பு விடுக்கப்பட்டதாக கூறப்பட்டது. இந்நிலையில் கமல் ஹாசனுக்கு அழைப்பு விடுக்கப்பட்டுள்ளதாக வெளியான செய்தியை பாஜக மறுத்துள்ளது.

பாஜக செய்தித் தொடர்பாளர் நாராயணன் ட்விட்டர் பதிவில், கமல் ஹாசனுக்கு அழைப்பு விடுத்ததாக செய்தியை பரப்பியது யார் என கேள்வி எழுப்பியுள்ளார். 

அதேவேளையில் குடியரசுத்தலைவர் மாளிகையில் இருந்து தொலைபேசி வாயிலாக  கமல்ஹாசனுக்கு அழைப்பு விடுக்கப்பட்டதாக மக்கள் நீதி மய்யம் தெரிவித்துள்ளது

Advertisement:
Advertisement:
Advertisement:
[X] Close