[X] Close
JUST IN
  • BREAKING-NEWS மேகதாது அணை கட்டுவதற்கான கர்நாடகாவின் திட்ட அறிக்கையை நிராகரிக்க வேண்டும்; மேகதாதுவில் அணை கட்ட மத்திய அரசு சுற்றுச்சூழல் அனுமதியை வழங்கக் கூடாது - பிரதமருக்கு முதல்வர் பழனிசாமி கடிதம்
  • BREAKING-NEWS விங் கமாண்டர் அபிநந்தனுக்கு விருது வழங்குவதுடன், அவரது மீசையை ‘தேசிய மீசை’யாக அறிவிக்க வேண்டும் - மக்களவை காங்கிரஸ் குழு தலைவர் ஆதிர் ரஞ்சன் சவுத்ரி மத்திய அரசுக்கு வலியுறுத்தல்
  • BREAKING-NEWS மக்களவை எம்.பி. சு.வெங்கடேசன், முன்னாள் எம்.பி. ஏ.ஜி.எஸ்.ராம்பாபு ஆகியோர் மத்திய அமைச்சர் நிர்மலா சீதாராமனுடன் சந்திப்பு
  • BREAKING-NEWS மத்திய வெளியுறவுத்துறை அமைச்சர் ஜெய்ஷங்கர், பாஜக செயல் தலைவர் ஜே.பி.நட்டா தலைமையில் முறைப்படி அக்கட்சியில் இணைந்தார்
  • BREAKING-NEWS தமிழக சட்டப்பேரவை கூட்டத்தொடரை ஜூன் 28 முதல் ஜூலை 30ம் தேதி வரை நடத்த முடிவு
  • BREAKING-NEWS நீட் தேர்வில் இருந்து தமிழகத்திற்கு விலக்கு அளிக்க வேண்டும்- மாநிலங்களவையில் திருச்சி சிவா கோரிக்கை
  • BREAKING-NEWS தமிழகத்திற்கு தரவேண்டிய நிலுவைத்தொகை ரூ.13,000 கோடியை மத்திய அரசு வழங்க வேண்டும்- மாநிலங்களவையில் அதிமுகவின் மைத்ரேயன் பேச்சு

வீழ்ந்தது பிரியங்கா காந்தியின் வியூகம்  - உத்தரப் பிரதேசத்தில் பாஜக முன்னிலை

priyanka-gandhi-fails-to-make-impact-in-up

உத்தரப் பிரதேச மாநிலத்தில் பாஜக பெரும்பான்மையான இடங்களில் முன்னிலையில் உள்ளது.  

உத்தரப் பிரதேசத்தில் சமாஜ்வாதி மற்றும் பகுஜன் சமாஜ் கட்சி மற்றும் ராஷ்டிரீயா லோக் தளம் ‘மகா கட்பந்தன்’ என்ற மிகப் பெரிய கூட்டனியை அமைத்திருந்தது. அதன்படி சமாஜ்வாதி கட்சி மற்றும் பகுஜன் சமாஜ் கட்சி தலா 38 இடங்களிலும் ராஷ்டிரீய லோக் தளம் 2 தொகுதிகளிலும் போட்டியிட்டனர். அமேதி மற்றும் ரேபரேலி தொகுதியில் இவர்கள் வேட்பாளர்கள் யாரையும் நிறுத்தவில்லை. அதேபோல காங்கிரஸ் கட்சி மொத்தமுள்ள 80 தொகுதிகளில் 71 இடங்களில் மட்டுமே வேட்பாளர்களை களமிறக்கியது.

அத்துடன் இந்தத் தேர்தலுக்கான பிரச்சாரத்தில் சமாஜ்வாதி மற்றும் பகுஜன் சமாஜ் கட்சியினர் தீவிர பரப்புரையில் ஈடுபட்டனர். அதேபோல காங்கிரஸ் கட்சியும் உத்தரப் பிரதேச கிழக்கு பகுதி பொறுப்பாளராக பிரியங்கா காந்தியை நியமித்து கடுமையான பிரச்சாரத்தை முன்வைத்தது. உத்தரப் பிரதேசத்தில் பிரியங்கா காந்தி 33 பொதுகூட்டத்தில் உரையாற்றினார். 

மேலும் பிரியங்கா காந்தி, “இம்முறை காங்கிரஸ் கட்சியின் வேட்பாளர்கள் பாஜகவின் வாக்குகளை பிரிப்பார்கள். ஏனென்றால் எந்தத் தொகுதியில் எல்லாம் எங்கள் வேட்பாளர்கள் பலமாக இருக்கிறார்களோ அங்கு அவர்கள் வெற்றி பெறுவார்கள். மற்ற இடங்களில் எங்கள் வேட்பாளர்கள் பாஜகவிற்கு வரும் வாக்குகளை பிரிப்பார்கள். இதனால் பாஜக இம்முறை உத்தரப் பிரதேசத்தில் அதிக இடங்களில் தோல்வியைத் தழுவும்” எனத் தெரிவித்தார்.

ஆனால் 2019 நாடாளுமன்றத் தேர்தலில் தற்போதைய நிலவரப்படி பாஜக 60க்கும் மேற்பட்ட இடங்களில் முன்னிலையில் உள்ளது. சமாஜ்வாதி கூட்டணி 17 இடங்களிலும் காங்கிரஸ் கட்சி ஒரு இடத்திலும் முன்னிலை பெற்றுள்ளது. இதை வைத்து பார்க்கும் போது ‘மகா கட்பந்தன்’ கூட்டணி மற்றும் பிரியங்கா காந்தி வகுத்த வியூகம் ஆகிய எதுவும் எடுபடவில்லை என்பது தெரியவந்துள்ளது. 

கடந்த 2014ஆம் ஆண்டு நாடாளுமன்றத் தேர்தலில் உத்தரப் பிரதேசத்தில் பாஜக 71 இடங்களும், காங்கிரஸ் 2 இடங்களும், சமாஜ்வாதி கட்சி 5 இடங்களும், அப்னா தளம் கட்சி 2 இடங்களும் வென்றிருந்தது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close