[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

“இந்தத் தேர்தலுக்கு பிறகு விடிவுகாலம் வரும்” - நடிகர் வடிவேலு  

tamil-actor-vadivelu-casts-his-vote-in-chennai

இந்தத் தேர்தலுக்குப் பிறகு மக்களுக்கு விடிவுகாலம் வருமென நடிகர் வடிவேலு தெரிவித்துள்ளார்.

தமிழகத்தில் காலை 7 மணிக்கு தொடங்கிய வாக்குப்பதிவு விறுவிறுப்பாக நடைபெற்று வருகிறது. சினிமா பிரபலங்கள், அரசியல் கட்சித் தலைவர்கள், பொதுமக்கள் எனப் பலரும் தங்களது ஜனநாயக கடமையை ஆற்றி வருகின்றனர். தமிழகத்தில் காலை 3 மணி நிலவரப்படி 52.02% சதவிகித வாக்குகள் பதிவாகியுள்ளது.

இந்நிலையில் நடிகர் வடிவேலு சென்னை சாலிகிராமத்தில் தனது வாக்கினை பதிவு செய்தார். பின்னர் செய்தியாளர்களிடம் பேசிய அவர், ''யாருக்கு வாக்களிக்க வேண்டுமென்று மக்களுக்கு நாம் விளக்கம் அளிக்க வேண்டிய அவசியம் இல்லை. அவர்கள் தெளிவாக இருக்கிறார்கள். 

யாருக்கு ஓட்டு போட வேண்டுமென்பதை வீட்டிலுள்ள இளைஞர்கள் பெரியவர்களுக்கு சொல்கிறார்கள். இந்தத் தேர்தல் வித்தியாசமானது. இந்தத் தேர்தல் முடிந்தவுடன் கடுமையான மழை பெய்யுமென நினைக்கிறேன். ஏனென்றால் இந்தத் தேர்தலுக்கு பிறகு எல்லாருக்கும் விடிவுகாலம் வரும்.  

நான் யாரையும் குறிப்பிட்டு சொல்லவில்லை. யார் வெற்றி பெற்றாலும் மக்களுக்கு நல்லது செய்ய வேண்டுமென்பதே என்னுடைய பணிவான வேண்டுகோள். மக்கள் கண்ணீர் சிந்தாமல் வாழ வேண்டும்'' என்றும் தெரிவித்தார்.

இந்தத் தேர்தலில் வாக்குச் சேகரிக்க ஏன் வரவில்லை, ஏதாவது கட்சி ஆதரவுக்காக அணுகியதா என்ற கேள்விகளுக்கு வடிவேலு பதில் அளிக்கவில்லை. 

Advertisement:
இது தொடர்பான செய்திகள் :
Advertisement:
Advertisement:
[X] Close