[X] Close
JUST IN
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

“இந்தமுறை கூட்டணி ஆட்சிதான் அமையும்” - சித்தராமையா

country-heading-towards-coalition-government-says-siddaramaiah

இந்தியாவில் இம்முறை கூட்டணி ஆட்சிதான் அமையும் என்று காங்கிரஸ் கட்சித் தலைவரும் கர்நாடகா முன்னாள் முதலமைச்சருமான சித்தராமையா தெரிவித்துள்ளார்.

நாடாளுமன்றத் தேர்தலின் இரண்டாம் கட்டம் வரும் 18ஆம் தேதி நடைபெறவுள்ளது. இதனால் அரசியல் கட்சிகள் தங்களின் இறுதிகட்ட பிரச்சாரத்தில் ஈடுபட்டுள்ளனர். அந்தவகையில் கர்நாடகா மாநிலத்தில் வரும் 18ஆம் தேதி தேர்தல் நடைபெறுகிறது. கர்நாடகா மாநிலத்தில் இத்தேர்தலை காங்கிரஸ் மற்றும் ஜனதா தளம் கூட்டணியுடன் சந்திக்கிறது. 

    

இந்நிலையில் கர்நாடகா மாநிலத்தின் காங்கிரஸ் தலைவர் சித்தராமையா பிடிஐ நிறுவனத்திற்கு பேட்டியளித்துள்ளார். அதில் அவர், “இந்தத் தேர்தலில் காங்கிரஸ் மட்டும் பாஜக ஆகிய இரண்டு கட்சிகளும் தனியாக ஆட்சி அமைப்பதற்கான பெரும்பாண்மை இடங்களை பெறாது. எனினும் காங்கிரஸ் தலைமையிலான கூட்டணி அதிக இடங்களை பிடித்து ஆட்சியமைக்கும். நாட்டில் தற்போது மோடி அலை என்று ஒன்றும் இல்லை. அத்துடன் மக்கள் அனைவரும் மதவாத சக்திகளை ஒழிக்கும் எண்ணத்தில் உள்ளனர். இதனால் பாஜகவிற்கு இரண்டாவது முறை வாய்ப்பு கிடைக்காது.

         

கர்நாடகாவை பொருத்தவரை மொத்தம் உள்ள 28 தொகுதிகள் காங்கிரஸ் கட்சி 13 முதல் 14 இடங்களில் வெற்றிப் பெற வாய்ப்புள்ளது. அதேபோல ஜனதா தளம் 6 அல்லது 7 இடங்களிலும் வெற்றிப் பெறும். மொதத்தில் எங்கள் கூட்டணி 20 இடங்களுக்கு மேல் கைபற்றும். பாஜக வெறும் 8 முதல் 10 இடங்களை மற்றும் பிடிக்கும். அதேபோல தேசிய அளவில் காங்கிரஸ் மற்றும் பாஜக ஆகிய இரண்டு கட்சிகளும் தனியாக 150 க்கும் குறைவான இடங்களையை பிடிக்க வாய்ப்புள்ளது” எனத் தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close