[X] Close
JUST IN
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

அமோகமாக நடைபெறும் பணப் பட்டுவாடா -  ‘அலர்ட்’ ஆன தேர்தல் பறக்கும் படை 

flying-squads-arrest-admk-worker-for-bribing-voters

வேலூர் வாணியம்பாடி அடுத்த நிம்மியம்பட்டு பகுதியில் வாக்காளர்களுக்கு பணப் பட்டுவாடா செய்து கொண்டிருந்த அதிமுக பிரமுகர் சம்பத் என்பவரை தேர்தல் பறக்கும் படை அதிகாரிகள் கைது செய்துள்ளனர்.

தேர்தலுக்கு இன்னும் இரண்டு நாட்களே உள்ள நிலையில் தற்போது பணப்பட்டுவாடா குறித்த அதிக புகார்கள் வெளிவரத் தொடங்கியுள்ளன. தேர்தல் பறக்கும் படை அதிகாரிகளும், காவல்துறையினரும் பணப்பட்டுவாடாவை தடுக்க அதிரடி நடவடிக்கையில் ஈடுபட்டு வருகின்றனர். வாகனங்களை தீவிரமாக சோதனை செய்து வருகின்றனர். 

இந்நிலையில் வேலூரில் பணப்பட்டுவாடா செய்ததாக அதிமுக பிரமுகர் ஒருவரை பிடித்து தேர்தல் பறக்கும் படை அதிகாரிகள் விசாரணை நடத்தி வருகின்றனர். வேலூர் மாவட்டம் வாணியம்பாடி அடுத்த நிம்மியம்பட்டு ராணிப்பேட்டை பகுதியில் அதிமுக பிரமுகர் சம்பத் என்பவர் வாக்காளர்களுக்கு பணப் பட்டுவாடா செய்வதாக தேர்தல் பறக்கும் படை அதிகாரிகளுக்கு தகவல் கிடைத்தது. இதனையடுத்து அதிகாரி ஜீவானந்தம் தலைமையிலான அதிகாரிகள் அதிரடி சோதனை நடத்தினர். அப்போது அதிமுக பிரமுகர் சம்பத்திடமிருந்து ரூ. 1 லட்சத்து 58 ஆயிரம் பணத்தை அதிகாரிகள் பறிமுதல் செய்தனர். 

(கோப்புப்படம்)

பறிமுதல் செய்யப்பட்ட பணம் வாணியம்பாடி வட்டாட்சியர் அலுவலகத்தில் ஒப்படைக்கப்பட்டது. மேலும் பணப்பட்டுவாடா குறித்து சம்பத்திடம் தேர்தல் பறக்கும் படை அதிகாரிகள் தொடர்ந்து விசாரணை நடத்தி வருகின்றனர்.

அதேபோல் வாணியம்பாடி சட்டமன்றத் தொகுதிக்கு உட்பட்ட குரிசிலாப்பட்டியைச் சேர்ந்த கோபி மற்றும் மரிமானிகுப்பம் பகுதியைச் சேர்ந்த மேகநாதன் ஆகிய அதிமுக பிரமுகர்களையும் பணப்பட்டுவாடா செய்ததாக பறக்கும்படை அதிகாரிகள் பிடித்து விசாரணை நடத்தி வருகின்றனர். அவர்களிடமிருந்து  பட்டுவாடாவுக்காக வைத்திருந்த 38 ஆயிரம் ரூபாயை பறிமுதல் செய்துள்ளனர்.

(கோப்புப்படம்)

மதுரை மாவட்டம் உசிலம்பட்டி நகராட்சிக்குட்பட்ட 14, 15, 16 வார்டுகளில் பணப்பட்டுவாடா நடப்பதாக காவல்துறைக்கு ரகசிய தகவல் கிடைத்தது. அதன் அடிப்படையில் மதுரை மாவட்ட காவல் கண்காணிப்பாளர் மணிவண்ணன் உத்தரவின் பேரில் மூன்று பறக்கும் படை அதிகாரிகள் குழு வீடுவீடாக சென்று அதிரடி ஆய்வில் ஈடுபட்டனர்.

அதேபோல் ஈரோட்டை அடுத்த ஆர்.என். புதூர் பகுதியில் வாக்காளர்களுக்கு பணப்பட்டுவாடா செய்யப்படுவதாக கிடைத்த தகவலின் பேரில் தேர்தல் பறக்கும்படை அலுவலர்கள் மற்றும் காவல்துறையினர் பொதுமக்களிடம் விசாரணை நடத்தி ஆய்வில் ஈடுபட்டனர்.
 

Advertisement:
இது தொடர்பான செய்திகள் :
Advertisement:
Advertisement:
[X] Close