[X] Close
JUST IN
  • BREAKING-NEWS சென்னை மாநகரத்தின் அரசியல் மற்றும் கலாசார வரலாற்றை பற்றி பல புத்தகங்களை எழுதிய புகழ்பெற்ற எழுத்தாளர் மற்றும் பத்திரிகையாளரான எஸ்.முத்தையா காலமானார்
  • BREAKING-NEWS பிரதமர் மோடி பற்றி 5 பகுதிகளை கொண்ட Modi-Journey of a Common Man என்ற வெப் சீரிஸ் தொடரை நிறுத்த ஈராஸ் நவ் நிறுவனத்துக்கு தேர்தல் ஆணையம் உத்தரவு
  • BREAKING-NEWS 4 தொகுதி சட்டப்பேரவை தேர்தல் பிரசாரத்தை மே 1ம் தேதி ஒட்டப்பிடாரத்தில்(தனி) தொடங்குகிறார் திமுக தலைவர் மு.க.ஸ்டாலின்
  • BREAKING-NEWS ராகுல் காந்திக்கு ஆதரவாக கேரள மாநிலம் வயநாட்டின் மானந்தவாடி பகுதியில் இன்று பிரியங்கா காந்தி வதேரா வாக்கு சேகரிப்பு
  • BREAKING-NEWS பொன்னமராவதி சம்பவத்தால் அசம்பாவிதம் நிகழாமல் தடுக்க புதுக்கோட்டை மாவட்டம் முழுவதும் இன்று டாஸ்மாக் கடைகளை மூட ஆட்சியர் உமா மகேஸ்வரி உத்தரவு
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக

5ல் 1 தபால் ஓட்டு நிராகரிக்கப்படுகிறது... என்ன காரணம்?

reason-for-postal-vote-rejection

ஒவ்வொரு தேர்தல் வாக்கு எண்ணிக்கையின்போதும் முதலில் முடிவு வெளியாவது, தபால் ஓட்டுகளே. ஆனால், நிராகரிக்கப்படும்  தபால் ஓட்டுகளின்  எண்ணிக்கை ஒவ்வொரு தேர்தலிலும் அதிகரிக்கிறது

தேர்தல் பணிகளில் தொடர்புடைய அதிகாரிகள், ஊழியர்கள், ராணுவத்தினர் தங்கள் வாக்குரிமையை நிலைநாட்ட உள்ள வழி தபால் வாக்கு. இதை செலுத்துவதற்கென தனி நடைமுறையே உள்ளது. அதை நிறைவு செய்யாமல் செலுத்தப்படும் தபால் ஓட்டுகள் நிராகரிக்கப்படுகின்றன. வாக்காளரின் பிறந்த தேதி, கையொப்பம் ஆகியவை பொருந்தாமல் போவது, முகவரியை சரியாக குறிப்பிடாதது ஆகியவை தபால் ஓட்டு நிராகரிக்கப்பட முக்கிய காரணங்களாக உள்ளன.

2004ஆம் ஆண்டில் பதிவான தபால் ஓட்டுகளில் 16 சதவிகிதம் நிராகரிக்கப்பட்ட நிலையில், 2009 தேர்தலில் பதிவான 11.5 லட்சம் தபால் ஓட்டுகளில் 19.5 சதவிகிதம் செல்லாது என அறிவிக்கப்பட்டன. 2014ஆம் ஆண்டில் பதிவான 5.6 லட்சம் தபால் ஓட்டுகளில் 21.5 சதவிகிதம் நிராகரிக்கப்பட்டன. இது 5 தபால் ஓட்டுகளில் ஒரு ஓட்டு நிராகரிக்கப்பட்டதைக் குறிக்கிறது. மொத்தமாக, 2004, 2009 மற்றும் 2014 தேர்தல்களில் 23.2 லட்சம் தபால் ஓட்டுகள் பதிவான நிலையில், 4.4 லட்சம் ஓட்டுகள் தள்ளுபடி செய்யப்பட்டன.

தேர்தல் பணியில் ஈடுபடும் அரசு ஊழியர்கள், அதிகாரிகள் மற்றும் ராணுவத்தினர் செலுத்தும் தபால் வாக்கில் இடம்பெறும் அதிக தவறுகள், கவனக்குறைவுகளே ஓட்டுகள் நிராகரிக்கப்பட காரணமாகின்றன. வேட்பாளர் தேர்வுக்கான இடத்தை நிரப்பாமல் விடுவதை பலர் செய்யும் நிலையில், ஓட்டுப் பதிவுக்கான முத்திரையிடும் இடத்தில் பாரத் மாதா கீ ஜெய் என எழுதிவிடும் விசித்திரமும் நடக்கவே செய்கிறது.

தபால் ஓட்டு போடும் முறை குறித்து பல்வேறு பயிற்சி வகுப்புகள் நடத்துவதாகவும், விரிவாக விளக்கம் தரப்படுவதாகவும் கூறுகிறார் தேர்தல் ஆணைய அதிகாரி ஒருவர். ஆங்கிலம் மற்றும் அவரவர் மாநில மொழியிலும் நேரிலும், எழுத்துமூலமாகவும் தபால் ஓட்டு முறை விளக்கப்பட்டும், செல்லாத தபால் ஓட்டுகள் எண்ணிக்கை அதிகரிப்பது ஏமாற்றமளிப்பதாகக் அவர் கூறுகிறார் .

செல்லாத தபால் ஓட்டுகளைப் போடும் அதிகாரிகள், ஊழியர்கள்தான் நாட்டின் ஒட்டுமொத்த தேர்தலையும் நடத்துகின்றனர் என்பதுதான் இதில் ஆச்சரியப்பட வேண்டிய விஷயமாக இருக்கிறது.

Advertisement:
Advertisement:
Advertisement:
[X] Close