[X] Close
JUST IN
  • BREAKING-NEWS புரோ‌ கபடி லீக் தொடரில் பெங்கால் ‌வாரியர்ஸ் அணி ‌முதல் முறையாக சாம்பியன்‌. இறுதிப்போட்டியில் தபாங் டெல்லியை வீழ்த்தியது.
  • BREAKING-NEWS தென் ஆப்பிரிக்காவுக்கு எதிரான மூன்றாவது டெஸ்ட்டில் ரோகித் சர்மா அசத்தல் சதம். போதிய வெளிச்சமின்மை காரணமாக முன்கூட்டியே முடிவுக்கு வந்தது முதல்நாள் ஆட்டம்
  • BREAKING-NEWS இடைத்தேர்தல் நடைபெறும் மூன்று தொகுதிகளிலும் பரப்புரை ஓய்ந்தது. வாக்குப்பதிவுக்கான ஏற்பாடுகள் தீவிரம்
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்

“சட்டமன்றத்தில் 8 வழிச்சாலைக்கு எதிர்ப்பு தெரிவிக்காத கட்சி திமுக” - டிடிவி தினகரன் 

ttv-dinakaran-speech-against-dmk-stalin-in-thuthukudi

பாஜகவின் திட்டம் என்பதால் அன்றைக்கு திமுக 8 வழிச்சாலைக்கு எதிர்ப்பு தெரிவிக்கவில்லை என அமமுக துணைப் பொதுச் செயலாளர் டிடிவி தினகரன் குற்றம் சாட்டியுள்ளார். 

அம்மா மக்கள் முன்னேற்றக் கழகத்தின் வேட்பாளரை ஆதரித்து டிடிவி தினகரன் தூத்துக்குடி தொகுதியில் பரப்புரை மேற்கொண்டார். அப்போது பேசிய அவர், “கனிமொழி திருப்பதி வெங்கடாஜலபதியை பற்றி தவறாக பேசினார். ஆனால் அவரது தாயார் திருச்செந்தூர் வந்து முருகனை வணங்கிவிட்டு செல்கிறார். 

யாரை ஏமாற்ற இந்த வேஷம். உண்மையான இந்துவாக இருந்தாலும் சரி, உண்மையான கிருஸ்துவராக, இஸ்லாமியராக இருந்தாலும் சரி இன்னொரு மதத்தை அவதூறாக புண்படுத்தும்படி பேசுவதை ஏற்றுக்கொள்ள மாட்டார்கள். சிறுபான்மை மக்களின் நம்பிக்கையை இழந்த திமுக இந்துக்களின் வாக்கு வங்கியையாவது தக்க வைத்து கொள்ள வேண்டி நாங்கள் இந்துக்களின் எதிரி அல்ல என்று பேசுகிறார்கள். 

தமிழ்நாட்டின் வளர்ச்சிக்கும், இளைஞர்களுக்கு வேலை வாய்ப்பை வாங்கி தருவதற்கும், வறுமையை ஒழிப்பதற்கும், மக்களை பாதிக்கும் திட்டங்களை அனுமதிக்காமல் தடுப்பதற்கும் அரசு எந்தச் செயல்பாடுகளையும் முன்னெடுக்கவில்லை. சட்டமன்றத்தில் 8 வழிச்சாலைக்கு எதிர்ப்பு தெரிவிக்காத திமுக தற்போது காங்கிரசுக்கு சில வெற்றிகள் வருவதால் மாற்றி பேசுகின்றது. பாஜகவின் திட்டம் என்பதால் அன்றைக்கு திமுக 8 வழிச்சாலைக்கு எதிர்ப்பு தெரிவிக்கவில்லை” எனப் பேசினார். 

Advertisement:
இது தொடர்பான செய்திகள் :
Advertisement:
Advertisement:
[X] Close