[X] Close
JUST IN
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக
  • BREAKING-NEWS விஜய் நடிப்பில் உருவாகிவரும் தளபதி63 படத்திற்கு எதிராக சென்னை உரிமையியல் நீதிமன்றத்தில் வழக்கு - விஜய் நடிக்கும் 63வது படத்தின் கதை தன்னுடையது என குறும்பட இயக்குநர் செல்வா என்பவர் வழக்கு
  • BREAKING-NEWS அமமுக கடைசிவரை குழுவாக மட்டுமே இருக்க முடியும்; கட்சியாக மாற வாய்ப்பில்லை - அமைச்சர் ஜெயக்குமார்
  • BREAKING-NEWS தமிழகத்தில் சட்டமன்ற தேர்தல் எப்போது நடந்தாலும் அதை எதிர்கொள்ள தயாராக இருக்கிறேன் - ரஜினிகாந்த்
  • BREAKING-NEWS தமிழகத்தில் 38 மக்களவை தொகுதிகளில் 71.87% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS தமிழகத்தில் 18 சட்டமன்ற தொகுதிகளில் 75.57% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ

வேட்பு மனுவில் சொத்து மதிப்பு குறைந்ததாக தெரிவித்த பூனம் மகாஜன்

poonam-mahajan-sheds-98-percentage-of-assets-in-5-years

108 கோடி ரூபாயாக இருந்த சொத்து மதிப்பு கடந்த 5 ஆண்டுகளில் 2 கோடியே 25 லட்சம் ரூபாயாக குறைந்து விட்டது என பாரதிய ஜனதா எம்.பி பூனம் மகாஜன் தனது வேட்பு மனுவில் தெரிவித்துள்ளார்.

மறைந்த மத்திய அமைச்சர் பிரமோத் மகாஜனின் மகளான பூனம் மகாஜன் பாரதிய ஜனதா கட்சி சார்பில் வடமத்திய மும்பை மக்களவை தொகுதியில் மீண்டும் போட்டியிடுகிறார். பூனம் மகாஜன் நேற்று முன்தினம் வேட்பு மனு தாக்கல் செய்தார். அவர் வேட்பு மனுவில் தன்னுடைய சொத்து மதிப்பு 2 கோடியே 25 லட்சம் ரூபாய் என குறிப்பிட்டுள்ளார்.

கடந்த தேர்தலில் தாக்கல் செய்த வேட்பு மனுவில் அவரது சொத்து மதிப்பு 108 கோடி ரூபாய் என குறிப்பிடப்பட்டிருந்தது. வழக்கமாக அரசியல்வாதிகளின் சொத்து மதிப்பு உயர்ந்து கொண்டே போகும் நிலையில் 5 ஆண்டுகளில் 100 கோடி ரூபாய்க்கும் அதிகமாக சொத்து மதிப்பை குறைத்து காண்பித்திருப்பது ஆச்சரியத்தை ஏற்படுத்தியுள்ளது.

பூனம் மகாஜன் தற்போது தன் கையிருப்பு 75 ஆயிரம் ரூபாய் என்றும் கணவரிடம் 29 ஆயிரத்து 650 ரூபாய் இருப்பதாகவும் கூறியுள்ளார். கடந்த தேர்தலின்போது தாக்கல் செய்த வேட்பு மனுவில் 2 ஆடி கார்கள் இருப்பதாக கூறியிருந்த அவர், தற்போது 11 லட்ச ரூபாய் மதிப்பில் ஒரு ஹோண்டா கார் மட்டுமே இருப்பதாக தெரிவித்துள்ளார். இப்படி சொத்து மதிப்பு திடீரென குறைந்ததற்காக காரணம் அவரது கணவர் ஆட்டோ மொபைல் தொழில் செய்வதாகவும் அதில் ஏற்பட்ட நஷ்டத்தில் சொத்துகளை விற்று கடனை அடைத்துவிட்டதால் தற்போது சொத்து மதிப்பு குறைந்ததாகவும் கூறுகிறார்.

Advertisement:
இது தொடர்பான செய்திகள் :
Advertisement:
Advertisement:
[X] Close