[X] Close
JUST IN
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக
  • BREAKING-NEWS விஜய் நடிப்பில் உருவாகிவரும் தளபதி63 படத்திற்கு எதிராக சென்னை உரிமையியல் நீதிமன்றத்தில் வழக்கு - விஜய் நடிக்கும் 63வது படத்தின் கதை தன்னுடையது என குறும்பட இயக்குநர் செல்வா என்பவர் வழக்கு
  • BREAKING-NEWS அமமுக கடைசிவரை குழுவாக மட்டுமே இருக்க முடியும்; கட்சியாக மாற வாய்ப்பில்லை - அமைச்சர் ஜெயக்குமார்
  • BREAKING-NEWS தமிழகத்தில் சட்டமன்ற தேர்தல் எப்போது நடந்தாலும் அதை எதிர்கொள்ள தயாராக இருக்கிறேன் - ரஜினிகாந்த்
  • BREAKING-NEWS தமிழகத்தில் 38 மக்களவை தொகுதிகளில் 71.87% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS தமிழகத்தில் 18 சட்டமன்ற தொகுதிகளில் 75.57% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ

காங்கிரஸ் சார்பில் தயாரிக்கப்பட்ட 6 பிரசார வீடியோக்களை வெளியிட தேர்தல் ஆணையம் தடை

election-commission-denies-clearance-to-six-congress-advertisements

மத்திய பிரதேசத்தில் காங்கிரஸ் சார்பில் தயாரிக்கப்பட்ட 6 பிரசார வீடியோக்களை வெளியிட தேர்தல் ஆணையம் தடை விதித்துள்ளது

நாடாளுமன்றத் தேர்தல் நெருங்கிவிட்ட நிலையில் இந்தியா முழுவதும் தேர்தல் வேலைகள் பரபரப்பாக போய்க்கொண்டு இருக்கின்றன. அனைத்து கட்சிகளும் ஓய்வின்றி வாக்கு சேகரித்து வருகின்றன. நேரடியாக சென்று மக்களிடத்தில் செய்யும் பிரசாரம் ஒருபுறம் இருக்க சமூக வலைதளங்கள் மூலமும் பிரசாரங்கள் களைகட்டியுள்ளன. எனவே தேர்தல் நடைமுறைகளை மீறாமல் இருக்க தேர்தல் ஆணையம் அனைத்து தளங்களையும் உன்னிப்பாக கவனித்து வருகிறது.

இந்நிலையில் மத்திய பிரதேசத்தில் காங்கிரஸ் சார்பில் தயாரிக்கப்பட்ட 6 பிரசார வீடியோக்களை வெளியிட தேர்தல் ஆணையம் தடை விதித்துள்ளது. அந்த வீடியோவில் ரபேல் விமான ஊழல் தொடர்பான வீடியோவும் அடங்கும்.

இது குறித்து கருத்து தெரிவித்துள்ள மத்திய பிரதேச காங்கிரஸ் பிரமுகர் ஷோபா ஒசா, ''எங்களுடைய 6 பிரசார வீடியோக்களுக்கு தேர்தல் ஆணையம் தடை விதித்துள்ளது. அந்த வீடியோக்களில் சர்ச்சைக்கு வழி இல்லை. மத்திய அரசு கொடுத்த அழுத்தம் காரணமாக தேர்தல் ஆணையம் இவ்வாறு நடந்துகொண்டுள்ளது'' என்று குற்றம் சாட்டியுள்ளார்.

இந்த விவகாரத்துக்கு விளக்கம் கொடுத்துள்ள தேர்தல் ஆணையம், ''காங்கிரசின் பிரசார வீடியோ ஒன்றில், மூவண்ணக்கொடியின் வண்ணத்தை ஊசி வழியாக திரவமாக ஏற்றுவது போல உள்ளது. ரபேல் தொடர்பாக வழக்கு நடைபெற்று வரும் வேளையில் அது தொடர்பாகவும் வீடியோ உள்ளது’’ என்று தெரிவித்துள்ளது.

இந்த வீடியோக்கள் ஒரு அரசியல் நையாண்டி மாதிரியானவை மட்டுமே எனக்கூறி, தனது நிலைப்பாட்டை தேர்தல் ஆணையம் மறுபரிசீலனை செய்ய வேண்டுமென்றும் காங்கிரஸ் சார்பில் கோரிக்கை விடுக்கப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close