[X] Close
JUST IN
  • BREAKING-NEWS காரைக்குடியில் அனுமதியின்றி தேர்தல் அலுவலகம் திறந்த புகாரில், சிவகங்கை மக்களவை தொகுதியில் போட்டியிடும் அமமுக வேட்பாளர் தேர்போகி பாண்டி மீது காரைக்குடி போலீசார் வழக்குப்பதிவு
  • BREAKING-NEWS ஓபிஎஸ் மகன் அதிமுகவிற்காக பல ஆண்டுகளாக உழைத்து வருகிறார்; அதனால் அவரை வேட்பாளராக அறிவித்ததில் எந்த தவறும் இல்லை - அமைச்சர் கே.சி.வீரமணி
  • BREAKING-NEWS நெதர்லாந்து நாட்டின் உட்ரெச் நகரில் மர்ம நபர் ஒருவர் நடத்திய துப்பாக்கிச்சூட்டில் ஏராளமானோர் படுகாயமடைந்துள்ளனர்
  • BREAKING-NEWS நேர்காணலுக்கு கூட வராமல், தான் தேர்தலில் போட்டியிடுவதாக சி.கே.குமரவேல் அறிவித்தது கட்சி கட்டுப்பாடுகளுக்கு முரணான செயல் - ஜனநாயக முறைப்படி நடைபெற்ற வேட்பாளர் தேர்வுமுறைக்கு எதிராக செயல்பட்டதால் மக்கள் நீதி மய்யம் கட்சித் தலைமை அவரின் ராஜினாமாவை ஏற்றுக்கொள்கிறது
  • BREAKING-NEWS கோடநாடு கொலை, கொள்ளை வழக்கில் சயான், மனோஜ் உட்பட 10பேரை மார்ச் 27ல் மீண்டும் ஆஜர்படுத்த காவல்துறைக்கு உதகை நீதிமன்றம் உத்தரவு
  • BREAKING-NEWS சென்னையில் பெட்ரோல் லிட்டருக்கு ரூ. 75.52 காசுகளாகவும், டீசல் லிட்டருக்கு ரூ. 70.87 காசுகளாகவும் விலை நிர்ணயம்

திமுக கூட்டணி தொகுதி பங்கீடு : மதிமுகவுடன் பேச்சுவார்த்தை

dmk-alliance-meeting-with-mdmk

மக்களவை தேர்தல் திமுக கூட்டணி தொகுதி பங்கீடு குறித்து மதிமுகவுடன் பேச்சுவார்த்தை தொடங்கி நடைபெற்று வருகிறது

மக்களவைத் தேர்தல் சூடுபிடித்துள்ள நிலையில், அதிமுக-பாஜக-பாமக கூட்டணி உறுதியானது. மறுபுறம், காங்கிரஸ் - திமுக கூட்டணி உறுதி செய்யப்பட்டு தொகுதிகள் ஒதுக்கீடு செய்யப்பட்டன. புதுச்சேரியில் ஒரு தொகுதி, தமிழகத்தில் 9 தொகுதிகள் என காங்கிரஸுக்கு 10 தொகுதிகள் ஒதுக்கீடு செய்யப்பட்டுள்ளன. மேலும் நேற்று காலை திமுக- மார்க்சிஸ்ட் கம்யூனிஸ்ட் கட்சி இடையேயான தொகுதிப் பங்கீடு குறித்த பேச்சுவார்த்தை நடைபெற்றது. அப்போது மார்க்சிஸ்ட் கம்யூனிஸ்ட் கட்சிக்கு கட்டாயமாக 2 தொகுதிகளை கேட்டு கோரிக்கை வைத்துள்ளதாக கூறப்படுகிறது. 

இந்நிலையில் திமுக கூட்டணி தொகுதி பங்கீடு குறித்து மதிமுகவுடன் பேச்சுவார்த்தை தொடங்கி நடைபெற்று வருகிறது. சென்னை அண்ணா அறிவாலயத்தில் மதிமுக முன்னாள் எம்பி கணேசமூர்த்தி தலைமையிலான 5 பேர் கொண்ட குழு இந்த பேச்சுவார்த்தையில் ஈடுபட்டுள்ளனர். திமுக சார்பாக துரைமுருகன் உள்ளிட்டோர் அடங்கிய குழு பேச்சுவார்த்தையில் ஈடுபட்டுள்ளது. 

மதிமுக தரப்பில் இருந்து 3 தொகுதிகள் கோரிக்கை வைக்கப்பட்டுள்ளதாக கூறப்படுகிறது. மதிமுக சார்பில் 7 விருப்பத்தொகுதிகள் தெரிவிக்கப்பட்டுள்ளதாகவும் கூறப்படுகிறது. இந்த பேச்சுவார்த்தை மேலும் ஒருகட்டம் நடைபெறலாம் என்றும், இரண்டு கட்ட பேச்சுவார்த்தை முடிந்தால் தான் தொகுதி பங்கீடு குறித்து அதிகாரப்பூர்வ அறிவிப்பு வெளியாகும் என்றும் கூறப்படுகிறது.

முன்னதாக கூட்டணி தொகுதி பங்கீடு குறித்து பேச இன்று மதியம் 12.30 மணிக்கு வருமாறு விடுதலைச் சிறுத்தைகள் கட்சிக்கு திமுக அழைப்பு விடுத்துள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close