[X] Close
JUST IN
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்

தெலங்கானா மற்றும் ராஜஸ்தானில் இன்று வாக்குப்பதிவு 

polling-begins-at-telangana-and-rajasthan

119 உறுப்பினர்களை கொண்ட தெலங்கானா சட்டப் பேரவைக்கும் 200 உறுப்பினர்களை கொண்ட ராஜஸ்தான் சட்டப்பேரவைக்கும் இன்று வாக்குப்பதிவு நடைபெறுகிறது.

119 உறுப்பினர்களை கொண்ட தெலங்கானா சட்டப்பேரவை தேர்தலுக்கான வாக்குப்பதிவு இன்று காலை 7 மணிக்கு தொடங்கி மாலை 5 மணிக்கு முடிவடைகிறது. மாநிலம் முழுவதும் 32 ஆயிரத்து 215 வாக்குப்பதிவு மையங்கள் அமைக்கப்பட்டுள்ளன. இத்தேர்தலில் 1821 வேட்பாளர்கள் களத்தில் உள்ளனர்.  வாக்குப்பதிவின் போது அசம்பாவிதங்களை தடுக்க மாநிலம் முழுவதும் மத்திய துணை ராணுவப்படையினர் மற்றும் பிற மாநிலங்களைச் சேர்ந்த காவலர்கள் என ஒரு லட்சத்திற்கு மேற்பட்ட காவலர்கள் பாதுகாப்புப் பணியில் ஈடுபடுத்தப்பட்டுள்ளனர்.

மேலும் வாக்குப்பதிவினை கண்காணிக்க 446 பறக்கும் படைகள் அமைக்கப்பட்டுள்ளதாக தேர்தல் ஆணையம் தெரிவித்துள்ளது. 106 தொகுதிகளில் காலை 7 மணி முதல் 5 மணி வரையும், மாவோயிஸ்ட் ஆதிக்கம் நிறைந்த பகுதிகளில் உள்ள 13 தொகுதிகளில் மாலை 4 மணி வரை வாக்குப்பதிவு நடைபெறும் என அறிவிக்கப்பட்டுள்ளது. தெலங்கானா ராஷ்ட்ரிய சமிதி, காங்கிரஸ் கூட்டணி, பாரதிய ஜனதா என மும்முனைப் போட்டி  நிலவுகிறது. இன்று பதிவாகும் வாக்குகள் வரும் 11ஆம் தேதி எண்ணப்பட்டு முடிவுகள் அறிவிக்கப்படும்.

200 உறுப்பினர்களை கொண்ட ராஜஸ்தான் சட்டப்பேரவை தேர்தலுக்கான வாக்குப்பதிவு இன்று நடைபெறுகிறது. ராஜஸ்தான் மாநில சட்டப்பேரவையில் மொத்தமுள்ள 200 தொகுதிகளில் 199 தொகுதிகளுக்கான வாக்குப்பதிவு நடைபெறுகிறது. காலை 8 மணிக்கு தொடங்கும் வாக்குபதிவு மாலை 5 மணிக்கு முடிவடைகிறது. மீதமுள்ள ஒரு தொகுதியில், பகுஜன் சமாஜ் கட்சி வேட்பாளர் மரணம் அடைந்ததால் அங்கு தேர்தல் ஒத்தி வைக்கப்பட்டுள்ளது.

மாநிலம் முழுவதும் 51ஆயிரத்து 687 வாக்குப்பதிவு மையங்கள் அமைக்கப்பட்டுள்ளன. 2274 வேட்பாளர்கள் களத்தில் உள்ளனர்.  மாநிலம் முழுவதும் அசம்பாவிதங்களைத் தடுக்க ஒரு லட்சத்திற்கும் அதிகமான பாதுகாப்புப் படையினர் கண்காணிப்பு பணியில் ஈடுபட்டுள்ளனர். ஆளும் பாரதிய ஜனதா கட்சி, காங்கிரஸ் இடையே நேரடிப் போட்டி நிலவுகிறது. ராஜஸ்தான் மாநிலப் பேரவைத் தேர்தலில் இன்று பதிவாகும் வாக்குகள் வரும் 11ஆம் தேதி எண்ணப்பட்டு முடிவுகள் அறிவிக்கப்படும்.

Advertisement:
இது தொடர்பான செய்திகள் :
Advertisement:
Advertisement:
[X] Close