[X] Close
JUST IN
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

உள்ளாட்சி தேர்தல்: திமுக வேட்பாளர் பட்டியல் இன்று அல்லது நாளை வெளியீடு?

local-body-election-dmk-candidate-today-and-tomorrow-release

தமிழக உள்ளாட்சி தேர்தல் அடுத்த மாதம் (அக்டோபர்) 17, 19 ஆகிய தேதிகளில் இரண்டு கட்டங்களாக நடைபெற உள்ளது. இதற்கான வேட்புமனுத் தாக்கல் கடந்த 26-ஆம் தேதி தொடங்கியது.

உள்ளாட்சி தேர்தலுக்கு பல்வேறு கட்சிகளும் மும்முரமாக தங்களை தயார்படுத்தி வரும் நிலையில் தேர்தல் அறிவிப்பு வெளியான அடுத்த நாளிலே சென்னை உள்ளிட்ட 12 மாநகராட்சி மற்றும் 31 மாவட்ட ஊராட்சி வார்டுகளில் போட்டியிடும் அதிமுக வேட்பாளர்களின் பட்டியலை அக்கட்சியின் பொதுச் செயலாளரும் முதல் அமைச்சருமான ஜெயலலிதா அறிவித்தார். இந்த வேட்பாளர்கள் அனைவரும் ஒட்டுமொத்தமாக நேற்று (27-ஆம் தேதி) தங்களது வேட்பு மனுவினை தாக்கல் செய்தனர்.

அதிமுக இவ்வாறு விறுவிறுப்பாக தங்களது தேர்தல் பணிகளை தொடங்கியுள்ள நிலையில் முக்கிய எதிர்க்கட்சியான திமுக இன்று இரவு அல்லது நாளை காலை தங்களது வேட்பாளர்கள் பட்டியலை வெளியிடும் எனத் தெரிகிறது.

கடந்த சில தினங்களுக்கு முன், திமுக பொதுச்செயலாளர் அன்பழகன், கடந்த சட்டமன்றத் தேர்தலில் திமுக அமைத்த கூட்டணி உள்ளாட்சித் தேர்தலிலும் தொடரும் என குறிப்பிட்டிருந்தார். எனவே உள்ளாட்சி தேர்தல் தொடர்பாக கூட்டணி கட்சிகளுடன் பேச்சுவார்த்தை நடைபெறுவதால், திமுக வேட்பாளர்கள் பட்டியல் வெளியாகுவதில் சிறிது தாமதம் ஏற்பட்டிருப்பதாக தெரிகிறது.

கடந்த சட்டமன்றத் தேர்தலில் மக்கள் நலக் கூட்டணியுடன் இணைந்து போட்டியிட்ட தமிழ் மாநில காங்கிரஸ், உள்ளாட்சித் தேர்தலில் தனித்து போட்டியிடுவதாக அதன் தலைவர் ஜி.கே.வாசன் அறிவித்துள்ளார். இதே போல, உள்ளாட்சித் தேர்தலில் தேமுதிக-வும் தனித்து தான் போட்டியிடும் எனத் தெரிகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close