[X] Close
JUST IN
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS சிபிஐ இயக்குநர் அலோக் வர்மா மீதான குற்றச்சாட்டு பற்றிய வழக்கை நாளைக்கு ஒத்திவைத்தது உச்சநீதிமன்றம்
  • BREAKING-NEWS நெஞ்சுவலி காரணமாக மக்களவை துணை சபாநாயகர் தம்பிதுரை, சென்னை ஆயிரம் விளக்கில் உள்ள அப்போலோ மருத்துவமனையில் அனுமதி

ஆண்-பெண் பாகுபாடுகள் நிறைந்த மத்திய அரசின் பாடப்புத்தகங்கள்: கல்வியாளர்கள் புகார்

ncrt-text-books-with-male-female-discrimination-academics-complaint

நாடு முழுவதும் பல பள்ளிகளால் பின்பற்றப்படும் தேசியக் கல்வி ஆராய்ச்சி மற்றும் பயிற்சி நிறுவனத்தின் (என்.சி.இ.ஆர்.டி) பாடப் புத்தகங்களில், 2 முதல் 5 ஆம் வகுப்பு வரையிலான பாடங்களில் பாலினப் பாகுபாடுகள் நிறைந்திருப்பதாக கல்வியாளர்கள் புகார் தெரிவித்து வருகின்றனர்.

இரண்டாம் வகுப்பு முதல் ஐந்தாம் வகுப்பு வரையிலான என்.சி.இ.ஆர்.டி புத்தகங்கள், ஆக்‌ஷன் எய்ட் எனப்படும் அரசு சாரா தொண்டு நிறுவனத்தைச் சேர்ந்த ஃபிரெஞ்சு மாணவி அனைஸ் லெக்லேர் என்பவரால் ஆய்வு செய்யப்பட்டது. பாலின சமத்துவத்தை என்.சி.இ.ஆர்.டி புத்தகங்கள் மேம்படுத்துகிறதா என்பதை ஆராயும் நோக்கத்தோடு செய்யப்பட்ட இந்த ஆய்வின் முடிவில், ஆண்களும் பெண்களும் செய்யும் வேலைகள் பாகுபாட்டுடன் அணுகப்பட்டிருப்பதாகவும், ஆண் வேலைகள், பெண் வேலைகள் என்பது போன்ற பாகுபாடுகள் நிறைந்து காணப்படுவதாகவும் கண்டறிந்துள்ளார்.

உதாரணமாக நான்காம் வகுப்பு என்.சி.இ.ஆர்.டி ஆங்கிலப் பாடப் புத்தகத்தில், பால்காரர் (Milkman), போலீஸ்காரர் (Policeman), ஐஸ்க்ரீம்காரர் (Icecream man)என்று குறிப்பிடப்பட்டுள்ளதாகவும், விளையாட்டிலோ, வெளியுலக நடவடிக்கைகளை குறிப்பிடும் பெண்கள் ஈடுபடுவதாக குறிப்பிடும் பெயர்கள் மிகவும் குறைவாக உள்ளதாகவும் குறிப்பிடுகிறார் அனைஸ் லெக்லேர்.

பெண்கள் வீட்டு வேலை செய்வது, குழந்தைகளைப் பராமரிப்பது ஆகிய வேலைகளைச் செய்யும்விதமாக குறிப்பிடப்பட்டுள்ளதுடன், கட்டட வேலைகளை ஆண்கள் செய்வது போல படங்களையும், “தந்தையின் கடின உழைப்பில் வந்த ஊதியம்” போன்ற வரிகள் இடம்பெற்றிருப்பதாகவும், ஆண்கள் பொது வேலைகளைச் செய்வதாகவும், பெண்கள் குடும்பப் பராமரிப்பில் மட்டுமே ஈடுபடுவதுபோல் பாடங்கள் அமைக்கப்பட்டுள்ளது. பாடப்புத்தகங்களில் பாலின பாகுபாடு நிறைந்திருக்கிறது எனக் குற்றம்சாட்டியுள்ளார்.

ஆக்‌ஷன் எய்ட் தொண்டு நிறுவனத்தின் தலைவரான ஷிதிஜ் அர்ஸ் இதுகுறித்து தெரிவிக்கையில், “கல்வியாளர்கள் இத்தகைய பாகுபாடுகள் குறித்து புகார் தெரிவிக்கிறார்கள். டி.எஸ்.இ.ஆர்.டி பாடப்புத்தகங்களில் நாங்கள் பரிந்துரைத்த மாற்றங்கள் ஏற்கப்பட்டன. அதைப்போலவே, என்.சி.இ.ஆர்.டி புத்தகங்களும் தேவையான மாற்றங்களைக் கொண்டு வருமாறு மத்திய அரசிடம் பரிந்துரைக்க இருக்கிறோம்” எனத் தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close