[X] Close
JUST IN
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது

கெடுபிடி காட்டும் வனத்துறை - குறைந்து போன மீன்வளத்தால் ஏக்கத்தில் மீனவர்கள்

fishermen-seeks-permission-for-fishing-at-islands

ராமநாதபுரம் மாவட்டம்  சாயல்குடியை அடுத்த ஒப்பிலான்,  மாரியூர் கடலோரப்பகுதிகளில்  உள்ள மீனவர்களுக்கு அருகிலுள்ள தீவுகளுக்கு சென்று மீன்பிடிக்க அரசு அனுமதி மறுப்பதாக அப்பகுதி மீனவர்கள் புகார் தெரிவிக்கின்றனர். சாயல்குடியை அடுத்த  ஒப்பிலான் அருகே கடலுக்குள்  நல்லதண்ணீர் தீவு, உப்புத்தண்ணீர் தீவு என, அருகருகே இரண்டு தீவுகள்  அமைந்துள்ளது. இந்த தீவுப்பகுதிகளில்  நல்ல மீன் வளம் இருந்து வரும் நிலையில்,  அங்கு சென்று மீன்பிடிக்க அதிகாரிகள் அனுமதி மறுக்கின்றனர். இதனால் நாட்டுப்படகுகளைக் கொண்டு கரையோரங்களில் அண்மைக்கடல் மீன்பிடிக்கும் சிறுதொழில் மீனவர்கள் போதிய மீன்கள் கிடைக்காமல்,  வருவாய் குறைந்து வாழ்வாதாரம் பாதிக்கப்படுவதாக வருத்தம் தெரிவிக்கின்றனர்.  

 இது குறித்து  ஒப்பிலான் பகுதி  மீனவர்கள் கூறும்போது,  “அண்மைக்கடல் மீன்பிடிப்பில்  விலை அதிகமுள்ள பெரிய மீன்கள் சிக்காது. முன்பு தீவுகளின் அருகே சென்று வலை விரித்து தொழில் செய்து வந்தோம். தற்போது தீவுகளை ஒட்டிய பகுதியில் விரித்தால், வனத்துறையினர் அதிகளவு நெருக்கடி கொடுத்து, விரட்டுகின்றனர். மன்னார் வளைகுடாப்பகுதி என கட்டுப்பாடுகளை விதித்து வருகின்றனர்”.எனவே இங்குள்ள தீவுப்பகுதிகளுக்குச்சென்று மீன்பிடிக்க அனுமதி வழங்க வேண்டும் என கோரிக்கை வைக்கின்றனர்

நாம் இது குறித்து மன்னார் வளைகுடா தேசிய வன உயிரின சரகர் சிக்கந்தர் பாட்ஷாவிடம் கேட்டபோது, அந்த இரண்டு தீவுகளைச்சுற்றிலும் அரிய வகை பாதுகாக்கப்படவேண்டிய  பவளப்பாறைகள் நிறைந்துள்ளதால் அங்கு மீன் வளம் அதிகம் உள்ளது என்பது உண்மைதான் என்றும் ஆனால், தீவுகளை  தேசிய பூங்காவாக அரசு அறிவித்துள்ளதால் அதனருகே செல்லக்கூட  யாருக்கும் அனுமதியில்லை எனவும் தெரிவித்தார்

தகவல் : லிங்கேஸ்வரன், செய்தியாளர். 

Advertisement:
இது தொடர்பான செய்திகள் :
Advertisement:
Advertisement:
[X] Close