தேனி அருகே இரு பிரிவினரிடையே திடீர் மோதல்: கலை நிகழ்ச்சியின் போது வன்முறை

தேனி மாவட்டம் சில்லமரத்துப்பட்டியில் இரு பிரிவினரிடையே திடீரென மோதல் ஏற்பட்டது.

காணும் பொங்கலையொட்டி நடைபெற்ற கலை நிகழ்ச்சியில் தகராறு ஏற்பட்டதாக கூறப்படுகிறது. இரு தரப்பினரும் மோதிக் கொண்டதில், கடைகள் மற்றும் இரு சக்கர வாகனங்கள் அடித்து நொறுக்கப்பட்டன. ஒருவர் மீது ஒருவர் கற்களை வீசியும் தாக்குதலில் ஈடுபட்டனர்.

அவர்களை காவல்துறையினர் தடியடி நடத்தி கலைத்தனர். மோதல் தொடர்பாக ஐம்பதுக்கும் மேற்பட்டோர் கைது செய்யப்பட்டனர். தாக்குதலின் போது மாவட்ட காவல் கண்காணிப்பாளரின் வாகன கண்ணாடியும் உடைந்தது. அங்கு பதற்றம் நீடிப்பதால், பலத்த பாதுகாப்பு பலப்படுத்தப்பட்டுள்ளது.