[X] Close
JUST IN
  • BREAKING-NEWS அனைத்து அரசு துறைகளும் இணைந்து செயல்பட்டால் டெங்கு கொசு, காய்ச்சலை கட்டுப்படுத்தலாம் - உயர்நீதிமன்ற மதுரை கிளை கருத்து
  • BREAKING-NEWS ஈரோடு அருகே கோயிலில் சிலைகள் சேதப்படுத்தப்பட்டதில் 6 பேர் மீது வழக்குப்பதிவு
  • BREAKING-NEWS நவம்பர் 18-ஆம் தேதி தொடங்குகிறது குளிர்கால கூட்டத் தொடர்
  • BREAKING-NEWS தமிழகம் மற்றும் புதுவையில் அடுத்த 3 நாட்களுக்கு பலத்த மழை பெய்ய வாய்ப்பு
  • BREAKING-NEWS தொடர் மழை காரணமாக கன்னியாகுமரி மாவட்டத்தில் பள்ளி, கல்லூரிகளுக்கு விடுமுறை; சிவகங்கை மாவட்டத்தில் பள்ளிகளுக்கு மட்டும் விடுமுறை

பண்ருட்டி அருகே துண்டாக வெட்டப்பட்ட ஏராளமான பண நோட்டுகள்: ரயிலில் கொள்ளையடிக்கப்பட்ட பணமா?

money-seized-near-panruti

பண்ருட்டி அருகே, துண்டு துண்டாக வெட்டப்பட்ட நிலையில், 100 மற்றும் 500 ரூபாய் நோட்டுகள் ஏராளமாய் கண்டெடுக்கப்பட்டுள்ளன.

கடலூர் மாவட்டம் பண்ருட்டி அருகே கோ.குச்சிப்பாளையம் பகுதியில் துண்டு துண்டாக வெட்டப்பட்ட நிலையில், 100 ரூபாய் மற்றும் 500 ரூபாய் நோட்டுகள் ஏராளமாக குவியல் குவியலாக கிடந்துள்ளன. இவற்றை பார்த்த பொதுமக்கள் அதனை ஆர்வத்துடன் எடுத்துச் சென்றனர். மேலும் ரூபாய் நோட்டுகள் கிடப்பது குறித்து காவல்துறை மற்றும் வருவாய் துறையினருக்கும் தகவல் தெரிவிக்கப்பட்டது.

இதனிடையே அங்கு கிடந்த பணம், வீசிய காற்றினால் அங்குமிங்காக பறந்து சென்றது. இதையடுத்து சம்பவ இடத்திற்கு விரைந்து வந்த காவல்துறை அதிகாரிகள் பணம் வெட்டப்பட்ட நிலையில் கிடந்த சம்பவம் குறித்து விசாரணை மேற்கொண்டு வருகின்றனர்.

இந்த பணம் சேலத்திலிருந்து சென்னைக்கு சென்ற ரயிலில் கொள்ளையடிக்கப்பட்ட பணமா என்ற கோணத்திலும் சிபிசிஐடி போலீசார் விசாரணை நடத்தி வருகின்றனர்.

முன்னதாக, கடந்த ஆகஸ்ட் மாதம் 8-ஆம் தேதி சேலத்தில் இருந்து சென்னை எழும்பூர் சென்ற ரயிலில் ரூ.5.75 கோடி ரொக்கம் கொள்ளையடிக்கப்பட்ட சம்பவம் நாடு முழுவதும் அதிர்வலையை ஏற்படுத்தியது குறிப்பிடத்தக்கது.

Advertisement:
Advertisement:
Advertisement:
[X] Close