மறைந்த எம்ஏஎம் ராமசாமியின் சொகுசு பங்களாவை கைப்பற்ற இரு தரப்பினர் முயற்சி

மறைந்த தொழிலதிபர் எம்.ஏ.எம்.ராமசாமிக்கு சொந்தமான சொகுசு பங்களாவை கைப்பற்ற இரு தரப்பினர் முயற்சி மேற்கொண்டனர்.

குன்னூரில் உள்ள நான்கு ஏக்கர் சொகுசு பங்களாவை உரிமை கொண்டாட அவரது வளர்ப்பு மகன் ஐயப்பனின் ஆதரவாளர்களும், ‌ராணி மெய்யம்மை அறக்கட்டளையின் குன்னூர் பொறுப்பாளர் நடராஜின் ஆதரவாளர்களும் உள்ளே நுழைந்தனர்.

தகவலறிந்து அங்கு வந்த குன்னூர் கோட்டாட்சியர் கீதாபிரியா மற்றும் காவல்‌துறை உயரதிகாரிகள் இருதரப்பினரிடமும் இருந்த பத்திரங்களை ஆய்வு செய்தனர். ஐயப்பன் தரப்பினர் பங்களாவை பயன்படுத்திக் கொள்ள அனுமதி வழங்கி நீதிமன்றம் பிறப்பித்த உத்தரவின் நகல் அதிகாரிகளிடம் தரப்பட்டது.

இதனையடுத்து ‌நீதிமன்றத்தை அணுகுமாறு அறக்கட்டளையைச் சேர்ந்தவர்களிடம் கூறி அவர்களை போலீசார் வெளியேற்றினர்.