[X] Close
JUST IN
  • BREAKING-NEWS கவுரவ டாக்டர் பட்டம் பெற்றார் முதலமைச்சர் பழனிசாமி
  • BREAKING-NEWS நாங்குநேரி இடைத்தேர்தல் பணப்பட்டுவாடா விவகாரம்: திமுக எம்எல்ஏ சரவணகுமார் மீது மேலும் ஒரு வழக்குப்பதிவு
  • BREAKING-NEWS தொடர் மழை: ஓராண்டுக்குப் பிறகு 100 அடியை எட்டியது பவானி சாகர் அணை
  • BREAKING-NEWS தமிழகத்தில் மேலும் நான்கு நாட்களுக்கு மழை நீடிக்கும் என வானிலை மையம் தகவல்
  • BREAKING-NEWS புரோ‌ கபடி லீக் தொடரில் பெங்கால் ‌வாரியர்ஸ் அணி ‌முதல் முறையாக சாம்பியன்‌. இறுதிப்போட்டியில் தபாங் டெல்லியை வீழ்த்தியது.

குழந்தைகளை கொலை செய்துவிட்டு தற்கொலை செய்துகொண்ட பெற்றோர் !

parents-commit-suicide-after-killing-her-childrens-in-chennai

சென்னையில் பெற்ற குழந்தையை கழுத்தை நெறித்து கொலை செய்து விட்டு தாய் மற்றும் தந்தை தூக்கிட்டு தற்கொலை செய்து கொண்ட சம்பவம் சோகத்தை ஏற்படுத்தியுள்ளது.

சென்னை கண்ணகி நகர் அடுத்த எழில் நகரை சேர்ந்தவர் பாபு (30). இவர் ஆட்டோ ஓட்டுநராக பணிபுரிந்து வருகிறார். கடந்த ஒன்னறை வருடங்களாக எழில் நகரில் வசித்து வருகிறார். கடந்த 7 ஆண்டுகளுக்கு முன் பாபு விமலா என்பவரை காதலித்து திருமணம் செய்து கொண்டுள்ளார். இவர்களுக்கு இரண்டு குழந்தைகள் உள்ளனர்.

இந்நிலையில் பாபு தினமும் குடித்துவிட்டு வீட்டிற்கு வந்து விமலாவிடம் தகராறில் ஈடுபடுவது வழக்கமாகியுள்ளது. இதனால் ஆத்திரமடைந்த மனைவி விமலா திருக்கழுக்குன்றத்தில் உள்ள தாய் வீட்டிற்கு சென்று விட்டார். இதனையெடுத்து நேற்று முன் தினம் பாபு அங்கு சென்று விமலாவை சமாதானம் செய்து வீட்டிற்கு அழைத்து வந்துள்ளார். 

இந்நிலையில் நேற்று இரவிலிருந்து தாழ்ப்பாள் போடப்பட்ட வீடு திறக்கப்படாததால் அக்கம் பக்கத்தினர் கண்ணகி நகர் போலீசாருக்கு தகவல் கொடுத்துள்ளனர். பின்னர் போலீசார் வந்து வீட்டின் கதவை உடைத்து உள்ளே சென்று பார்த்த போது பாபு மற்றும் விமலா தூக்கில் தொங்கியவாறு சடலமாக இருந்துள்ளனர். மேலும் இவர்களது குழந்தை கிஷோர்(6), தியா(4) இருவரும் கழுத்து நெறிக்கப்பட்டு படுக்கையில் சடலமாக இருந்தனர். இதனைதொடர்ந்து நான்கு பேரின் உடல்களையும் கைப்பற்றி பிரேத பரிசோதனைக்காக இராயப்பேட்டை அரசு மருத்துவமனைக்கு அனுப்பி வைத்தனர். 

மேலும் போலீசார் வழக்குப் பதிவு செய்து குழந்தைகள் இருவரையும் கொன்று விட்டு பாபுவும், விமலாவும் தற்கொலை செய்துகொண்டனரா? அல்லது மூவரையும் கொன்று விட்டு பாபு தற்கொலை செய்து கொண்டாரா என கண்ணகி நகர் போலீசார் தீவரமாக விசாரித்து வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close