[X] Close
JUST IN
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்

‘தீரன்’படப்பாணியில் மாடு திருடி வந்த வடமாநில கும்பல் கைது 

the-north-indian-gang-were-arrested-by-cattle-stolen-on-chennai

மாடுகளை திருடும் வட மாநில குப்பம்பளை பொதுமக்கள் விரட்டி பிடித்து அடித்து உதைத்த சம்பவம் பெரும் பரபரப்பை ஏற்படுத்தியுள்ளது.

சென்னை புறநகர் மற்றும் காஞ்சிபுரம், திருவள்ளூர் போன்ற மாவட்டங்களில் மாடுகள் அடிக்கடி திருடுபோவது என்பது தொடர்கதையாகி உள்ளது. அந்த வகையில் கடந்த மூன்று மாதங்களில் பூவிருந்தவல்லி, நசரத்பேட்டை,திருமழிசை போன்ற பகுதிகளில் 100 க்கும் மேற்பட்ட மாடுகள் திருடு போயுள்ளன. 

இது குறித்து மாடுகளை இழந்த மக்கள் சம்மந்தப்பட்ட காவல் நிலையத்தில் புகார் அளித்துள்ளனர். இச்சூழலில் மாடு திருடும் நபர்களை பிடிக்க அந்தந்த கிராமத்து இளைஞர்கள் இரவு காவல் காத்து வந்தனர். அப்போது அவ்வழியாக மாடு திருடும் வட மாநில கும்பல் ஒன்று வேனில் அவ்வழியாக சென்றது. இதனை கண்ட அப்பகுதி இளைஞர்கள் அந்த வேனை துரத்தி சென்றனர். 

அப்போது அந்த வாகனம் நிற்காமல் இருசக்கர வாகனத்தின் மீது ஏற்றி சென்றது. அதிலிருந்த இரண்டு வாலிபர்கள் அதிஷ்டவசமாக உயிர்த் தப்பினர். இதனைக் கண்ட அப்பகுதி பொதுமக்கள் அந்த வேனை சுற்றி வளைத்தனர். அப்போது அதிலிருந்த வட மாநிலத்தவர் பொதுமக்களை கத்தியால் வெட்ட முயற்சி செய்தனர்.

எனினும் உயிரை பணயம் வைத்து அதிலிருந்த ஒருவரை பிடித்தனர். வேனில் இருந்த மற்ற 5 பேரும் அங்கிருந்து தப்பி ஓடினர். பிடிப்பட்ட நபரை பொதுமக்கள் விசாரித்ததில் என்னை விட்டுவிடுங்கள் 5 லட்சம் பணம் தருகிறேன் என்றும் திருடிய மாடுகளை பெங்களூர் அருகே உள்ள கிராமத்தில் உள்ளதாகவும் அதனையும் திருப்பி தந்துவிடுவதாகவும் கூறியுள்ளார். மேலும்  ஒரு நாளைக்கு 10 மாடுகளை திருடி செல்வோம் என அவர் ஒப்புக்கொண்டுள்ளார்.  

இந்நிலையில் பிடிப்பட்ட நபரிடம் இருந்த ஓட்டுனர் உரிமத்தில் அவர் ஹரியானா மாநிலம், மேவத் பகுதியை சேர்ந்த டரிப் (29) என்பதும் தெரியவந்தது. இதனை தொடர்ந்து அவனை பூவிருந்தவல்லி காவல் நிலையத்தில் ஒப்படைத்தனர். படுகாயம் அடைந்த அவர் கே.எம்.சி மருத்துவமனையில் சிகிச்சைக்காக சேர்க்கப்பட்டுள்ளார். 

அந்த வட மாநிலத்தவர் வந்த வேன் பறிமுதல் செய்யப்பட்டுள்ளது. அதே வாகனத்தில் இருந்து 2 அரிவாள்,கற்கள் மற்றும் விமானத்தில் சென்றதற்கான டிக்கெட்கள் பறிமுதல் செய்யப்பட்டுள்ளன. இதனிடையே ‘தீரன்’படப்பாணியில் பயங்கர ஆயுதங்களுடன் மாடு திருடும் இந்தக் கூட்டத்தையும் அதன் தலைவரை கைது செய்வதோடு மாடுகளை அதன் உரிமையாளர்களிடன் சேர்க்க வேண்டும் என பாதிக்கப்பட்ட மக்கள் கோரிக்கை வைத்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close