[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

எண்பது திருட்டு வழக்குகளில் தொடர்புடைய கொள்ளையன் கைது

the-famous-burglar-connection-with-80-theft-cases-was-arrested-near-perundurai

மூன்று குண்டாஸ் உட்பட 80 திருட்டு வழக்குகளில் தொடர்புடைய பிரபல கொள்ளையன் ஈரோடு மாவட்டம் பெருந்துறை அருகே கைது செய்யப்பட்டுள்ளார்.

வேலூர் மாவட்டம், காட்பாடி, கே.வி குப்பம் பகுதியைச் சேர்ந்தவர் மணிகண்டன். இவன் மீது வேலூர்,வாலாஜாபாத், திருவண்ணாமலை, திருப்பத்தூர், ராணிப்பேட்டை, நாமக்கல், தர்மபுரி, கோவை வடவள்ளி,துடியலூர், காட்டூர், பொள்ளாச்சி,காஞ்சிபுரம் உள்ளிட்ட காவல் நிலையங்களில் 3 குண்டாஸ் உட்பட 80 க்கும் மேற்பட்ட திருட்டு வழக்குகள் பதிவு செய்யப்பட்டுள்ளது. 

Image result for திருட்டு வழக்குகளில் தொடர்புடைய கொள்ளையன் கைது

கடந்த மாதம் இவரை பிடித்த காஞ்சிபுரம் போலீசார் இவனிடமிருந்து ஒரு கிலோ நகை பறிமுதல் செய்து சிறையிடைத்தனர். கடந்த 3ஆம் தேதி ஜாமீனில் வெளியே வந்த அவர் தலைமறைவாகிவிட்டார். அதன் பிறகு ஆறு இடங்களில் இரண்டு கிலோவிற்கு மேல் தங்க நகைகளை கொள்ளையடித்துள்ளார். இதனனைத்தொடர்ந்து அவரைப் பிடிக்க போத்தனூர் கிரைம் ஏசி சோமசுந்தரம் தலைமையில் தனிப்படை அமைக்கப்பட்டு தேடி வந்தனர்.

இந்நிலையில் இவரது கூட்டாளி ஒருவரை நகை விற்க கொண்டு செல்லும்போது தனிப்படை போலீசார் மடக்கி பிடித்து கைது செய்தனர். அவர் கைதான தகவல் தெரியாமல் அவரது செல்போனுக்கு மணிகண்டன் தொடர்புகொண்டதால் இந்த மொபைல் எண்ணை வைத்து தேடி வந்தனர். 

Image result for திருட்டு வழக்குகளில் தொடர்புடைய கொள்ளையன் கைது

நேற்று முன் தினம் திண்டுக்கலில் ஒரு வீட்டில் திருடிவிட்டு அப்படியே ஆந்திர மாநிலத்திற்கு சென்று விட்டார். பின் நேற்று அங்கிருந்து கேரளாவிற்கு சென்றார். பிறகு அங்கிருந்து சேலம் செல்ல கோவை வழியாக தேசிய நெடுஞ்சாலையில் வந்துள்ளார். நேற்று நள்ளிரவு இத்தகவல் பெருந்துறை போலீசாருக்கு கிடைத்ததால் இன்ஸ்பெக்டர் சுகவனம் தலைமையில் தேசிய நெடுஞ்சாலையில் காத்திருந்தனர்.

இரவு சுமார் 2 மணியளவில் பெருந்துறை சிப்காட் அருகில் உள்ள பெட்ரோல் பங்கில் காருக்கு டீசல் நிரப்பியபோது போலீசார் அவரை சுற்றி வளைத்தனர். சம்பவ இடத்துக்கு வந்த டி.எஸ்.பி ராஜ்குமார் முன்னிலையில் கார் சோதனையிடப்பட்டது. காரின் டிக்கியில் வீட்டின் பூட்டை உடைக்க 10 க்கும் மேற்பட்ட இரும்பு ராடுகள்,8 செல்போன்,வைர நகைகள்,தங்க நகைகள்,வெள்ளி  பாத்திரங்கள் மற்றும் ரொக்கப்பணம் ஏராளமாக இருந்தது கண்டு போலீசார் அதிர்ச்சியடைந்தனர்.

Image result for திருட்டு வழக்குகளில் தொடர்புடைய கொள்ளையன் கைது
சேலத்தில் உள்ள வக்கீல் ஒருவரிடம் 10 லட்ச ரூபாய் கொடுத்து மணிகண்டன் காரை வாங்கியுள்ளதும் விசாரணையில் தெரியவந்தது. தேசிய நெடுஞ்சாலை பகுதிகளில் உள்ள பூட்டிய வீடுகளை ஐந்து நிமிடத்தில் கொள்ளையடிப்பது தான் இவரது வாடிக்கை. இவரை குற்றப்பிரிவு ஏ சி சோமசுந்தரத்திடம் காருடன் பெருந்துறை போலீசார் ஒப்படைத்தனர். இவரது கூட்டாளியிடம் கைப்பற்றபட்ட நகைகள் மற்றும் தற்போது பிடிபட்ட நகைகளை மதிப்பீடு செய்யும் பணி முடிந்து மொத்த மதிப்பு கோவை மண்டல டிஐஜி மூலம் வெளியிடப்படும் என போலீசார் தெரிவித்தனர்.

Advertisement:
Advertisement:
Advertisement:
[X] Close